لە چۆلی شامی مایتەوه
کورد بە سەحرای دەڵێت: سارا و دەشت ودەر و چۆڵگە یان چۆلی یان بیابانیشی پێ دەوترێت، بەڵام لێرەدا چۆلییەکە دروستترە چونکە چۆلی شام هەمووی بیابان و سارا نییە لە باکورەوە لە چیاکانی تۆڕۆسەوە دەست پێدەکات تاوەکو کەناراوەکانی نیمچەدوورگەی سینا و دەریای ناوەڕاست و نزیک هەردوو ڕووباری دیجلە و فوڕات و بیابانی نەجد و حیجاز، ئێستا وڵاتی سوریا بە مەڵبەندی سەرەکی شام دادەنرێت، لەبەرئەوەی ئه و ناوچانە ناوچەی کوردستانیشی تێدایە بۆیە کورد لە ئیدیۆمدا بەکاریهێناوە، لە هەندێ ناوچەی کوردستان دەوترێت:(بە کێوەوە مایتەوە) یان بۆ لێقەومان و دەست کورتی و دڵتەنگی و زیان لێکەوتنی زۆر و بێ دەرەتانیش وتراوە:لە ژێر دارێک دانیشتووە هیچ پەلکێکی پێوە نییە، ئینجا مانەوە لە چۆلی شام بەهۆی هۆکارێکەوە کە شه و بەسەر کاروان داهاتبێت یان ڕێگای گوم کردبێت یان وڵاغەکانی گڵابن و...تاد، ئەم حاڵەتانەش نیگەرانی و خەمباری و دڵ تووندی لێ دەکەوێتەوە، هەندێجاریش بۆ بەکەم سەیرکردنی گرفتێک بەتەوسەوە دەوترێت: کۆڵی دونیای بەخۆی دادایە یان لە چۆلی شامی مایتەوە.[1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 471 times
Write your comment about this item!