ل سەنتەرێ باژێرێ #دھۆک#ێ، مالباتەکا خێرخاز قۆتابخانەک لسەر ئەرکێ خۆ درۆست کریە و ئەڤرۆ د رێورەسمەکێ دا پێشکێشی وەزارەتا پەروەردێ کر.
د.عەلی تەتەر پارێزگارێ دھۆکێ د رێورەسمێن ڤەکرنا قۆتابخانێ دا یێ پشکدار بوو د کۆنگرەکێ رۆژنامەڤانی دا بۆ دەزگەھێن راگەھاندنێ گۆت: سۆپاسیا مالباتا خۆدێ ژێ رازی ماموستا (ئیسماعیل عەبان) دکەم کۆ مالباتا وی ئەڤ قۆتابخانە لسەر ئەرکێ خۆ دروستکریە و دۆپات دکەم: حکۆمەتا هەرێما کوردستانێ هەمی ئاسانکاریەکی پێشکێشی هەر خێرخازەکی دێ کەت یێ داخوازا ئەنجامدانا پرۆژەکێ خێرخازی دکەت ژ دابینکرنا ئەردی و پێشکێشکرنا خزمەتگۆزاریان و ئەم سۆپاسیا هەر کەسەکێ دکەین یێ پشکداریێ دئاڤاکرنا پرۆژێن خێرخازی دا دکەت و خۆدێ نمونێن وەک ڤان خێرخازان بۆمە زێدەکەت.
جھێ ئاماژەدانێ یە، قۆتابخانا خۆدێ ژێ رازی (ئیسماعیل عەبان)ژلایێ مالباتا وی ڤە ب کۆژمێ 600 ملیون دینارا ھاتیە درۆستکرن کۆ قۆتابخانەکا نەھ رێزی و بنەرەت و تێکەلە، ئەڤرۆ خێرخازێن ئەو قۆتابخانە درۆستکری ب فەرمی پێشکێشی وەزارەتا پەروەردا حکومەتا ھەرێما کوردستانێ کر و پارێزگارێ دھۆکێ ژی دەستخۆشی ل خێرخازێن ناڤبری کر.[1]
This item has been written in (کرمانجی - Upper Kurdish (Arami)) language, click on icon
![](https://www.kurdipedia.org/images/flags/ku.png)
to open the item in the original language!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 915 times
Write your comment about this item!