دار بەڕوو
دار بەڕوو بەگشتی لە سەرتاپای کوردستاندا دەڕوێ و لە دارە خۆڕسکەکانی دی ڕێژەی زیاترە. داری بەڕوو لە شێوەی دەوەندا دەست دەکات بە گەشەکردن. ئەگەر چەند ساڵێک نەییڕنەوە ئەوا لە ئەنجامدا دەبێتە (شێخەل) و ئەمجا داربە ڕووی بەردار، بەڕوو تەنیا یەک بەری هەیە، ئەویش بەڕووە، بەڕوو دوو جۆری هە یە: شیرین، تاڵ. لە زەمانی کۆندا، بە تایبەتیی لە سەردەمی قات و قڕی و گرانیدا مرۆڤی کورد کەڵکی لێ وەردەگرت بۆ خواردن ئەمیش لەگەڵ دانەوێڵەی تردا تێکەڵ کراوە و کراوە بە نان. هەروەها بە تەنیا خۆشی دەخرێتە ژیلەمۆی ئاگرەوە و بە برژاوی دەخورێ جگە لە بەڕوو، کلاوەکەشی کە پێی دەوترێ (جەوت) ، ئاڵووێری پێوە کراوە و بە کاریش هێنراوە بۆ تاڵ کردنی کونگە و مەشکە و هێزه. هەروها دار بەڕوو لە زۆربەی کەرەستەکانی کشتوکاڵ و پیشەسازییە ساکارەکاندا و بۆ سووتەمەنی بەکارهێنراوە. بە تایبەتیی لە پێکهێنانی کەرەستەکان ڕۆڵێکی گرنگی گێڕاوه. وەک:داربەنی، چەپەر، هەوجار، بەڕووڵە هەپە، چەمەرە، گاینجە، دمستەدوو، کەڵەمە، کۆڵەکە، دەستەک، نیرگە، دیرەگ، چان...هتد. جگە لە مانەش بە داری کەڵکی ئاڵووێر دەگەیەنێ و زۆربەی خەڵووزیش هەر لەم دارە دەکرێت.[1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 525 times
Write your comment about this item!