نیسکێ بچینە، دەست بەڕیشت دابینه
نیسک، دانەوێڵەیەکی پاقڵەمەنییە، لە کۆنەوە بە یەکێک لە دانەوێڵە گرنگەکان دانراوە، خۆراکێکی بەتام و بە سوودە و پڕ ڤیتامینە، بڕک و بنجەکانی کورتیلە و ناسک و گەڵا وردیلەن، زۆر ڕووبەر و شوێن ناگرن، لە زەوییەکاندا، بۆیە ئەگەر پڕ و چڕیش بچێنرێت، ئاساییە و بەرهەم و بەوروبومی خۆی دەدات، تا پڕتر بێت، بۆیە کشتیارانی کورد لە ئەزمونی وەرزێری و جۆتیاریدا ئەوەیان بۆ دەرکەوتووە تا بۆڕتر بێت باشتر دەبێت، ڕیشی مرۆڤ بە پڕ و چڕ و بۆڕ دادەنرێت، بۆیە کراوە بە پێوانە بۆ تۆوەشێن و تۆدەری دانەوێڵەی نیسک، لە شارەزاییەوە کورد دەڵێت: نیسکێ بچینە، دەست بەڕیشت دابینە، واتە وەکو پڕی ڕێش تۆوەکە بوەشێنە با پڕ بێت. [1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,009 times