ئەڤرۆ، ڕەمەزان زەکەریا
رۆژا 31/7/1983 ڕژێما بەعسا ئیراقێ دەست ب گرتن و ئەنفالکرنا بارزانیان کر و هەتا دووماهی ڕۆژا ئەنفالێ 8000هزار بارزانی هاتنە گرتن و بێ سەروشوین کرن. 39 سال ل سەر وێ تاوانا دەرهەق بارزانیان هاتیە کرن درەبازبوون و هەتا نۆکە 696 ڕوفاتێن ئەنفالکریێن بارزاتی هاتینە زڤراندن و ل گورستانەکا تایبەت ل بارزان هاتیە ڤەشارتن و سالانە ل هەمان ڕۆژ ڕێورەسمێن بیرئانینا ئەنفالکرنا بارزانیان دهێنە ساخکرن.
تاهر مەلا سالح، کورە ئەنفالەکێ بارزانیە چیرۆکا خۆ بۆ ئەڤرۆ ڤەگێرا و گۆت: سالا 1983 سەربازێن ئیراقێ دهاتنە دەردوورێن مالێن مە، پشتی بوویە دەمژمێر یازدێ ڕۆژێ بۆ دەنگە دەنگا خەلکی دناڤ گەرەکێ دا پاشی ئاشکرا بوو ڕژێما بەعس مال ب مال یا دگەرێت و زەلاما دگریت بێ بزانین بۆچی گرتن و دێ کیڤە بەن؟ ب تنێ ئەم ل مال بووین سەربازێن ئیراقێ ب سەر مالامە دا گرت و ئەوێن ژیێ وان مەزن ژ مال دەرئێخستن و گۆت بۆ کارەکێ فەر دێ بەین، ئەڤە بۆ 39 سال ئەم چاڤەرێ ڤەگەریانا کەس و کارێن خوە دکەین هەتا دمرین ژی دێ هەر چاڤەرێ بین، ڕژێما بەعس گەلەک غەدر ل کەس و کارێن مە کر دەما گرتی و هەتا ئەنفالکرنێ .
تاهر هێشتا گۆت: دەمێ ئەنفالێ کەسوکار و باب و خزمێن مە هەموو هاتینە گرتن ئەم ل خواندنێ ڤەقەتیان و ژیانا مە پشتی گرتنا کەس و کارێن مە بۆ جەهەنەم مە نەزانی چو بکەین. ژ لایەکێ خەما گرتن و ئەنفالکرنا کەس و کارا بۆ مە چو ل وان نەدزانی ژلایەکێ خەما ژیانێ بوو هەموو دەما مە خوزی ب مرنێ دخواستن مە زۆر نەخوشی ب چاڤێن خۆ دیتن هەتا مە قوناغا ئەنفالێ دەربازکری .
وی کورە ئەنفالی زێدەتر گۆت: هەر جارا دبیتە سال ڕۆژا گرتنا کەس و کارێن من هەست دکەم وێ گاڤێ ل بەر چاڤێن من ڕاکرینە و ئەنفال کرینە، چو جاران هەست ب خوشیێ ناکەم دژیانا خودا من چو جارا ن هەست ب خۆشیێ نەکریە پشتی کەس و کارێن من لبەر چاڤێن گرتین و ئەنفالکرین، ژیان بۆ مە زۆرا نەخوشبوو، سالانە هەموو دەما دچمە سەر گورێن ئەنفالا سەبرا خۆ پێ دئینم ڕاستە سالانە ڕێورەسم دهێنە کرن، بەلێ چو تشتەک نەشێت خەما وان د دلێن مە دا بینیت دەرڤە ڕۆژا کۆ ڕووفاتێن ئەنفالکریا بۆ مە ئینایە ڤە بۆ من ڕۆژەکا زۆر ب ژان بوو مە زۆر نەخوشی دیتن.
سپێدەهیا 31/7/1983، زێدەتری 8000 هزار بارزانی هاتنە ئەنفالکرن هەتا نوکە ڕووفاتێن 696 ئەنفالان هاتینە زڤراندن ل سالا 2005 ڕووفاتێن 503 ئەنفالان و سالا 2014 ڕووفاتێن 93 ئەنفالان و سالا 2022 ڕووفاتێن 100 ئەنفالا و ل گۆرستانەکا تایبەت ل بارزان هاتینە ڤەشارتن.[1]
This item has been written in (کرمانجی - کوردیی سەروو) language, click on icon
to open the item in the original language!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 1,162 times
Write your comment about this item!