شیرەتکارێ شاھێ سعوودیێ و بەرپرسێ وی وەلاتی د دانوستاندنێن ل گەل ئیسرائیلێ د دیدارەکێ دا ل گەل ئاژانسا سپۆتینک یا نووچەیان دیار کر کو د دەمەکی نێزیک دا دێ نەخشێ ڕۆژھەلاتا ناڤین ھێتە گوھۆرین و ئیران دێ ل سەر چار پارچان ھێتە دابەش کرن و ھەکە کورد ژی دەولەتا خوە ڕابگەھینن چ کەسەک نەشێت ئاستەنگیان ل ھەمبەر وان دروست کەت.
ئەنوەر ماجد عەشقی شیرەکارێ شاھێ سعوودیێ و بەرپرسێ دانوستاندنێن وی وەلاتی ل گەل ئیسرائیلێ د دیدارەکێ دا ل گەل ئاژانسا سپۆتینگ سەبارەت ب پاشەرۆژا ڕۆژھەلاتا ناڤین و پرسا کوردی داخۆیانیێن گرنگ دان و دیار کر کو ڕوودانێن نھا نیشا ددەن کو دێ نەخشێ سیاسی یێ دەڤەرا مە د دەمەکێ گەلەک نێزیک دا ھێتە گوھۆرین، ئیران بزاڤێ دکەت کو ئیمپراتورکیا فارس زندی بکەت و ل ھەمبەر وێ یەکێ ژی تورکیا دڤێت ئیمپراتوریا ئۆسمانیان زندی بکەت و ناکۆکیێن مەزھەبی ژی ڕۆژ ب ڕۆژێ بەرفرەھتر دبن و گۆت: (ناکۆکیێن ل دەڤەرێ و شەرێ نھا نیشا ددەت کو بەرنامێ سەد سال بەری نھا ھاتیە دانان ژ ناڤ چوویە و ئێک ژ گوھۆرینێن ل دەڤەرێ ژی ئاڤابوونا دەولەتا کوردی یە و ھەروەسا دێ ئیران ژی ھێتە پارچەکرن و تورکیا ژی دێ گوھۆرین دروست ببن).
ناڤھاتی د پشکەکا دی یا ئاخڤتنا خوە دا ئەو یەک ژی دیار کر کو نھا دڤێت کورد بخوە بریارێ بدەن، چونکو دەلیڤەکا گەلەک مەزن ھاتیە پێش و ھەکە کورد بخوە بریارێ بدەن و دەولەتا خوە ڕابگەھینن چو کەسەک نەشێت ئاستەنگیان ل ھەمبەر وان دروست بکەت و ژ بەر ھندێ ژی نھا ھەموو تشتەک د دەستێ کوردان بخوە دایە و گۆت: (دەولەتێن کو کوردستان د ناڤبەرا وان دا ھاتینە پارچەکرن ئەڤرۆکە د ڕەوشەکا گەلەک خراب دا دژین و لاواز بووینە، ناکۆکیێن وان ل گەل ھەڤدو ھەیە و ئەوە ژی بۆ کوردان دەلیڤەکا زێرینە و دڤێت کورد بخوە بریارا خوە بدەن کا وان چ دڤێت و دێ چاوا بژین).
سەبارەت ب وێ یەکێ ھەکە کورد دەولەتا خوە ڕاگەھینن دێ تورکیا و ئیران چ ھەلویستەکێ نیشا بدەن ژی شیرەتکارێ شاھێ سعوودیێ ڕاگەھاند کو جارێ دڤێت ڤێ یەکێ دیار بکەین کو ھەلویستێ تورکیا و ئیرانێ سەبارەت ب کوردان نھا وەک ئێک نینە، چونکو ب تایبەتی پشتی کو ل عیراقێ کورد وەک نیڤ دەولەت خوە برێڤە دبەن، تورکیا دیت کو بەرژەوەندیێن وان ل گەل کوردان گەلەک زێدەیە و ب تایبەتی ژی د بیاڤێ ئابووری دا ھەرێما کوردستانێ مفایەکا گەلەک مەزن گەھاندە تورکیا و ژ بەر ھندێ تورکیا نەشێت وێ یەکێ ژ دەستێ خوە بدەت و ئیرانێ ژی سیاسەتا دی ھەیە و گۆت: (ھەکە کورد بخوە بریارێ بدەن و د ناڤا خوە دا خودان ستراتیژیەکا ھەڤپشک بن، ھەلویستێ ئیران و تورکیا چو کاریگەریەکا وەسا مەزن ل پاشەرۆژا وان ناکەت، چونکو ھەکە ھندەک دژبەریا کوردان بکەن دێ گەلەک وەلات ژی پشتەڤانیێ ل کوردان بکەن و ئەوە ژێ بێگومان بۆ کوردان دێ یا گرنگ بیت و نھا ژی گەلەک وەلاتێن جیھانێ ب ڕەنگەکێ ئاشکرا پشتەڤانیێ ل ئاڤاکرنا دەولەتا کوردی دکەن و ھەکە کورد دەولەتا خوە ڕابگەھینن ڕەنگە گەلەک وەلاتێن دیتر کو ھەتا نھا بێدەنگن ئەو ژی پشتەڤانیێ ل کوردان بکەن).[1]
Kurdipedia is not responsible for the content of this item. We recorded it for archival purposes.
This item has been written in (کرمانجی) language, click on icon
to open the item in the original language!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 557 times
Write your comment about this item!