میوانداری
لە کتێبی: #قەڵای ڕاز#
بەرهەمی: #ژیلا حسێنی# (1964-1996)
سێتارێک و سێ گۆرانی و سێ پەڕە شێعری دڵداری
یەکیان ناسی و بوون بە دۆستی گیانی گیانی
بەیەکەوە ژوورێکیان گرت
لەو ژوورەشدا میوانداریی شاخ و بیر و تاسەیان کرد
شەو تا بەیان ئەم دەستی ئەوی ئەگووشی
ئەو دەستی بەسەر ئەوی تریاندا ئەهێنا
ئەمیان بیلبیلەی چاوی خۆی بۆ دانابوون
ئەوی تریان جگەرەی جەرگ
بۆ بەیانی هیچیان وەک خۆیان نەمابوون
هەر بەو شەوە بە قەد عومرێ چاوەروانی باڵایان کرد
تێک ئاڵان و چی بەجێما؟
خۆرەتاوی عەشق و جوانی.
#24-12-1993#
[1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 562 times
Write your comment about this item!