Mal Li Kû Ye? Di Rabêja Romana Kurdî Ya Li Swêdê De, Ji Nû Ve Nirxandina (Kurdistan) û (Diyaspora)yê
Ömer Delikaya.
Kovara: Wêje û Rexne, SS. 219- 239, 2015
Wekî ku tê qebûlkirin kurd ne tenê ji aliyê erdnîgariyê ve lêbelê ji aliyê siyasî, zimanî û bîrdoziyê ve jî hatine dabeşkirin (Aknur 2012; Natali 2005; Rudolph 2003). Li hember kurdan, polîtîkayên dewletan li gorî hikûmetên desthilatdar ji hevdu cihê bûne. Piştî Şerê Kendavê yê 1991î, kêşeya kurd li Sûriyeyê, Tirkiyeyê, Îran û Iraqê ku her yek ji wan beşeke Kurdistanê di nav xwe de dihewîne, li herêma Rojhilata Navîn û di siyaseta navneteweyî de bû babetekî zaf muhîm. Bi vî awayî, mijarên li ser neteweperweriya kurdan û kêşeyên polîtîk, meseleyên çand û ziman, wêje jî di nav de, zêdetir bal kişandin li ser xwe. Lêbelê, dema ku mirov xebatên li ser wêjeya kurdî dide ber xebatên li ser mijarên polîtîk û dîrokî, mirov dibîne ku xebatên wêjeyî kêm in, lêkolînên (piraniya wan li Ewropa û DYAyê hatine kirin) li ser hemû herêmên kurdî, bi herdu zaravayên sereke soranî û kurmancî, bi awayekî berbiçav van salên dawî zêde bûn. Cihêrengiya zimanî û kêmasiya yekîtiya siyasî û neteweyî, ne tenê karakterekî perçebûyî yê rabêja romana kurdî pêk anî, lêbelê di heman demê de ji bo lêgerîna azadiyê li welatên rojava, bêcihûwarbûna bi darê zorê û koçberiya dilxwazî pêk anî. [1]
Kurdipedia is not responsible for the content of this item. We recorded it for archival purposes.
This item has been written in (Kurmancî) language, click on icon
to open the item in the original language!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
This item has been viewed 1,199 times
Write your comment about this item!