هەموو پۆستێک لە هەرێمی کوردستان و ئەو پۆستانەشی لە #بەغدا# ئیستیحقاقی گەلی کوردن و مافی گەلی کوردستانن، تاپۆی هیچ کەسێک یان پارتێکی سیاسی یا چەکداری یان کەسایەتییەکی دیاریکراو نیین.
لە دوای ڕووخانی ڕژێمی دیکتاتۆری بەعس و ئەنجامدانی هەڵبژاردنی عێراق و هەرێمی کوردستان، پارتی و یەکێتی بە یەک لیستی هاوبەش بەشداریی هەردوو هەڵبژاردنەکانی هەرێمی کوردستان و عێراقیان کرد و زۆرینەی دەنگی گەلی کوردستانیان بەدەست هێنا، لە ئەنجامدا هەردوو لا لەسەر دابەشکردنی پۆستە سیادییەکانی هەرێمی کوردستان و عێراق ڕێک کەوتن و دابەشیان کرد.
گەلی کوردستان مافی تەواوی بە لیستە هاوبەشەکەی #پارتی# و #یەکێتی# دابوو، هەردوو حزب شەرعییەتی گەلی کوردستانیان بەدەست هێنابوو، بۆیە توانییان پۆستی سەرۆکی هەرێمی کوردستان لەو قۆناغە بە ڕێزدار کاک #مەسعود بارزانی# بسپێرن و سەرکۆماری عێراقیش بە خوالێخۆشبوو #مام جەلال# بسپێرن.
بەڵام ئەمە ئەوە ناگەیەنێت پۆستی سەرۆکی هەرێمی کوردستان ئیتر هەتا هەتا تاپۆ بێت لەسەر ناوی پارتی و سەرکۆماریش تاپۆ بێت لەسەر ناوی یەکێتی.
مافی گەلی کوردستانە پۆستەکان بە چ کەس و پارت و لایەنێک بدات بە ئەمانەت بۆ خولێک دوو کەسی شیاو بۆ ئەو دوو پۆستە دیاری بکرێت.
دەبێت لە پەرلەمانی کوردستان لە کەشوهەوایەکی ئازاد، لەناو پەرلەمانی کوردستان بە دەنگدان، پۆستی سەرۆکی هەرێم و سەرۆک کۆمار پڕ بکرێنەوە.
گرنگە لایەنێک کە ناتوانێت هیچ پۆستێکی سیادی نە لە کوردستان و نە لە عێراق بەدەست بهێنێت و بیەوێت بە ناشەرعی و گوێنەدان بە دەنگی گەل و ڕێزنەگرتن لە گەل و پشت بە نەیارانی گەلی کوردستان پۆستێک بەدەست بهێنێت!
با ئەو لایەنە بە خۆیدا بچێتەوە و هەڵەکانی خۆی چاک بکات، بەڵکوو لە هەڵبژاردنی داهاتوودا گەلی کوردستان کەمێک ئەرێنی تر هەڵیانبسەنگێنن و دەنگی زیاتریان پێ بدەن و چەند کورسییەکی زیاتر بێنن و پۆستی باشتریان بەرکەوێت.
زۆرینەی دانیشتوانی #کەرکووک# کوردن و لە هەڵبژاردنی ئەنجوومەنی پارێزگای کەرکووکدا، لیستی برایەتی لە (41) کورسیی ئەنجومەنی پارێزگای کەرکووک (26) کورسیی هێنا، بۆیە پارێزگاری کەرکووک ئیستحقاقی کوردە و دەبێ کورد پارێزگارێک دیاری بکات و دابنێت.
بابەتی پۆستی پارێزگاری کەرکووک مافی کوردە، بۆیە مافی گەلی کوردستانیشە لە ڕێگای نوێنەرەکانی گەل لە پەرلەمانی کوردستان ئەو پارێزگارە دیاری بکات و دابندرێت. [1]
دکتۆر #کەمال کەرکووکی#
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,146 times
Write your comment about this item!