Hewlêr (Rûdaw) - Cenazeyên 10 koçberên ku di navbera Cezayir û Îspanyayê de xeniqî bûn û ku 8 ji wan bajarê #Kobanî# ya #Rojavayê Kurdistanê# ne, ji Cezayirê ji bo Qeterê hatin şandin. Piştre dê cenaze ji bo Libnanê û ji wir jî bo Sûriyê û Rojavayê Kurdistanê bên şandin.
Îro serê sibehê, cenazeyên koçberan ji bajarên Wehran û Mist Xanim bo bajarê Cezayirê hatin veguhestin û danê êvarê ji Cezayirê bo Qeterê hatin şandin.
Li gorî zanyarî û dîmenên taybet ku ji Cezayirê bo Rûdawê hatin şandin dê destpêkê cenaze bi transît bibin Qeterê û piştre bo Beyrûtê bên vegustin da ku ji bo Sûriyê û Rojavayê Kurdistanê bên şandin.
Karkerekî Kurd ê ji Kobanî yê Rojavayê Kurdistanê yê bi navê Ehmed Hemo ji bajarê Bealbek a Libnanê beşdarî bultena Rûdawê ya taybet bo Rohava bû û di derbarê vegeranina cenazeyan de bersiva pirsên Dilbixwîn Dara da.
Ehmed Hemo da zanîn ku dê cenaze îşev demjimêr 03:00an de ji Qeterê bigihîjin Beyrûtê û wan belgeyên pewîst amade kirine ji bo ku cenazeyan wergirin û piştre jî derbasî sînorê Sûriyê bikin.
Herwiha Hemo diyar kir ku kesûkarên qurbaniyan jî dê bên Libnanê û weke Kurdên Libnanê ew jî dê herin pêşwaziyê li cenazeyan bikin û got “Çi pêwîst be em dê li gorî derfetên xwe bi wan re bin.”
Li aliyê din Hemo tekez kir ji ber ku cenaze dê derengê şevê saet 03:00an de bigihîjin Beyrûtê, ew dê nikaribin îşev cenazeyan werbigrin lê dibe ku sibê derdora 9-10an cenazeyan werbigrin.
Ehmed Hemo got jî ji bo wergirtina cenazeyan wî hemû belgeyan amade kirine heta niha ti pirsgirêk tinin.
Rojên 3 û 4ê meha borî, du belemên koçberên Rojavayê Kurdistanê û Sûriyê di navbera Cezayir û Ispanya de binav bûbûn, cenazeyên 12 koçbaran hatin dîtin û hîn jî çarenivîsa 5 koçberên ji Kobanî ne diyar e.[1]
Kurdipedia is not responsible for the content of this item. We recorded it for archival purposes.
This item has been written in (Kurmancî) language, click on icon
to open the item in the original language!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
This item has been viewed 1,230 times
Write your comment about this item!