#عەزیز محەمەد# عبداللە لریکرفتی 1/7/1924 ز ل گوندێ #بێرکوت# ل نێزیکی باژێرێ هەڤلێرا پایتەخت هاتیە دونیایێ،دەیکا کچا مەلایەکێ بوو ،خەلکا باکورێ کوردستانێ بوو ژ دەڤەرا وانێ ، بابێ وی هەژارەکێ گوندێ بێرکوت بوو، ژیێ عەزیز محەمەد زور کێم وبچیک بوو دەمێ دەیک وبابێ وی ژێک جودا بووین ودەیکا دهێت باژێرێ هەڤلێرێ ،ل مزگەفتا (ابوبکر) فێری خاندنا قورئانا پیروز بوویە ول پیر زین وشاوەیس وبەحرکێ دەرسێن فەقاتیێ دخاندن ، پاشی دەست ژ خاندنا فەقاتیێ بەردا ، ل وی دەمی دەیکا وی ل ناڤ مالان کاردکر وژبەر زیرەکی وهوشمەنداتیا وی ئێکسەر هاتە وەرگرتن ل پولا سیێ سەرەتایی،پشتی بدوماهیک ئینانا قوناغا سەرەتایی حەزدکر بچیت پەیمانگەها ماموستایان بەلێ ئەڤ حەز وڤیانە نە هاتە جێبەجێکرن چونکە دڤیا دوو سالان ژ تەمەنێ کێم کەت ، هەر چەندە ئەڤە کارەکێ ئاسان بوو بەلێ بو وی نە هاتە کرن ،پشتی دەست ژ خاندنێ بەردای بو دەمەکێ دمینت بێ کار وبرێکا هندەک هەڤالان ل فەرمانگەها دابەشکرنا خوراک وناخوی هاتە دامەزراندن ، بو ماوێ سێ سالان لێ کارکر،دەستپیکا کار وخەباتا سیاسی لسالا 1941 ز دبیت ئەندامێ کومەلا هیوا ،لسالا 1942 ز دبیت ئەندامێ کومەلا گەل وروژنامەک بناڤێ (بلێسە)دەرئێخست وخوە ب مارکیسی قەلەمدان،ل زڤستانا سالا 1945 ز پشتی کونگرێ ئیکێ یێ حزبا شوعیا عێراقی دبیت ئەندامێ دناڤ سازیێن پارتا کومونیستێن عێراقێ دا، لرێکەفتی 13/10/1948 ز ناڤبری هاتیە زیندانکرن هەتا سالا 1958 ز وبو ماوێ (10)سالان دمینت دناڤ گرتیخانێ دا،ل باژێرێن بەعقوبە،بەغد،کوت(واست)وزیندانا نقرة السلمان ،ل وی دەمێ دزیندانێ دا فێری زمانێ عەرەبی دبیت وپەرتووکێن تەها حوسین ونەجیب مەحفوز دخونیت وبەرهەمێن دی یێن نڤیسکارێن عەرەب ،زێدەباری پەرتووک لدور ئەدەبیاتیێن ڕوسی وئەلمانی وئینگلیزی ،لسالا 1960ز ژیانا خێزانی دگەل خانم کافیە ئیبراهیم پێکئینات ول وی دەمی ژیێ کافیایێ (25)سالبوون ،ئەڤ خانمە دەرچوویا شەشێ زانستیە وپاشی دچیت خولا ماموستایان ،لسالا 1964 ز دبیت سکرتێرێ گشتیێ حزبا شوعیا عێراقێ هەتا سالا 1993 ز ، خودان ڕولەکێ بەرچاڤ وکاریگەر بوو دناڤ گورەپانا سیاسیا عێراقێ وکوردستانێ دا، لسالا 1986 ز پارتا کومونیستا سوڤیێت خەلاتێ لینین پێشکێشی وی کر ولسالا 2007 ز خەلاتێ ستێرا گەشا کیشوەرێ ئاسیا وئەفریقا ل ڕوسیا وەرگرت،پشتی نیلسون ماندیلا دووەمین کەسە ڤی خەلاتێ پری بها وەردگریت،لریکەفتی 10/6/2015 ز ل پیرمام #مەسعود بارزانی# میدالیا بارزانی پێ بەخشی، لروژا جارشەمبی ڕێکەفتی 31/5/2017 ز ل هەڤلێرا پایتەخت وەغەرکر ،کچا وی فێنک لرێکەفتی 1/8/1961 ز ل بەغدا هاتیە دونیایێ وهەلگرا باوەرناما ئەندازیارا مەدەنیە ژ زانکویەکا ئەلمانی ونوکە ل بریتانیا دژیت،شرین لرێکەفتی 26/8/1962 ز هاتیە دونیایێ ل بەغدا وهەلگرا باوەرناما نوژدارێ دروستکرنا ددانانە ونوکە ل قونسلخانەیا عێراقێ ل بەرلین کاردکەت ،کورێ وی ئاراس ل هەیڤا 11 لسالا 1968 ز ل بەغدا هاتیە دونیایێ ،ل موسکو خاندیە وبوویە وەرگێرێ ئێکسەر ژ زمانێ ڕوسی بو زمانێ ئینگلیزی ونوکە ل هولەندا دژیت. لسالا 1978 ز عەزیز موحەمەد لسەر داخازا پارتا کومونیستا ئیسپانی دچیت وەلاتێ ئیسپانیا وپاشی بەرەڤ ئێکەتیا سوڤیەتا جاران دچیت، لسالا 1979ز هەردووک کچێن وی فێنک وشرین ب هاریکاریا حزبا کومونیستا عێراقی دهێن کوردستانێ وبرێکا هەلەبچە دچن ئیرانێ ،لدوماهیکا سالا 1979ز کافیە وکورێ خوە ئاراس ب پاسپورتێن سختە یێن ئوردنی وناڤێن نە دروست (ئەمیرە ئەحمەد ڕەمەزان وریاز قاسم)برێکا شەمەندەفرێ دچن باژێرێ حەلەب ل سوریێ وپاشی ب تاکسیێ دچن دیمەشقێ ل گورەپانا الرجة ل هوتێلێ دمینن ولروژا دی دچن لدەڤ مالەکا فلستینی ،لرێکەفتی 23/11/1979 ز برێکا فروکخانا شامێ گەهشتن موسکویا پایتەخت وبو ماوێ (11)سالان دمینت ل ڕوسیا وچەند دەمەکێ ل بالیوزخانا یەمەنا باشوری کارێ چاپەمەنیێ کریە ،هەردووک کچێن وێ (فێنک وشرین)ل ئادارا سالا 1980 ز گەهشتن موسکو،لسالا 1992 ز کافیەخان بەرەڤ وەلاتێ سوید دچیت بمەرەما وەرگرتنا مافێ پەنابەریێ وپشتی بورینا (15)هەیڤان مافێ پەنابەریێ وەرگرت (لجوء انساني)ولسالا 1994 ز عەزیز موحەمەد دهێت سوید برێکا (لم الشمل)ئانکو لدویڤ داخازا خێزانا وی هاتیە ومافێ پەناهندیێ وەرگرتیە ،بەلێ دزفریت کوردستانێ وهندەک جاران بسەرەدان دهێت بو سوید .
ردوان گولی.[1]
This item has been written in (کرمانجی) language, click on icon
![](https://www.kurdipedia.org/images/flags/ku.png)
to open the item in the original language!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 768 times
Write your comment about this item!