Cenazeyên 10 penaberîn sûrî yên li Cezaîrê xeniqîbûn, gihaştin balafirgeha Beyrûtê û ji aliyê nûnerê Rêveberiya Xweser a Bakur û Rojhilatê Sûriyê yê Lubnanê ve hatin wergertin û dê piştre bişînin Sûriyê.
18 kes ku 12 jê ji Sûriyê bûn, dema ku berê xwe dabû Ewropayê, li peravên Cezaîrê noqî avê bûbûn û xeniqîbûn.
Nûnerê Rêveberiya Xweser a Bakur û Rojhilatê Sûriyê yê Lubnanê Ebduselam Ehmed diyar kir ku tê payîn ku 10 cenaze ji Dewhayê bigihêjin balafirgeha Beyrûtê. Her wiha da zanîn ku cenaze dê ji aliyê Xaça Sor a Lubnanê ve ji bo navenda Erîda ya sînor werin veguhastin û radestî Heyva Sor a Sûriyê werin kirin.
Li gorî agahiyan, ji kesên ku noqî avê bûn, 9 kes ji Kobanê ne û yek ji Laziqiyê ye.
Vê êvarê cenaze gihaştin balafirgeha Beyrûtê û ji aliyê Xaça Sor a Lubnanê ve hatin veguhastin. Dema cenaze gihaştin balafirgehê nûnerê Rêveberiya Xweser Ebdulselam Ehmed hazir bû.
Li gorî agahiyan, Rêveberiya Xweser a herêma Firatê dê cenazeyên penaberên ji Kobanê siber wergire da ku piştre li kantonê defn bike. [1]
Kurdipedia is not responsible for the content of this item. We recorded it for archival purposes.
This item has been written in (Kurmancî) language, click on icon
to open the item in the original language!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
This item has been viewed 1,122 times
Write your comment about this item!