Desteya Rêveberiyên Herêmî û Jîngehê dest bi pêkanîna projeya Baxçeyê Gel li bajarê #Hesekê# kir. Proje li rûpîvana nêzî 45 donim tê pêkanîn.
Daîreya Teknîkî ya Desteya Rêveberiyên Herêmî û Jîngehê ya Rêveberiya Xweser a Bakur û Rojhilatê Sûriyê dest bi projeya mezintirîn baxçeyê li herêmê kir. Proje li bajarê Hesekê li ser rûpîvana 45 donimî tê pêkanîn.
Ev proje di çarçoveya plana Desteya Rêveberiyên Herêmî û Jîngehê ya ji bo piştgiriya cihên giştî yên mezin li bajar û bajarokan de pêk tê.
Armanc ji projeyê, kêmkirina qirêjiyê, peydakirina cihekê bêhnvedanê ji bo şêniyan e. Tê payîn ku projey destpêka Nîsana 2023`an bi dawî bibe.
Keleş Xilêf ê ku li ser projeyê disekine diyar kir ku bi piştgiriya Daîreya Teknîkî ya Desteya Rêveberiyên Herêmî û Jîngehê, Şaredariya Gel di 5`ê Mijdara 2022`yan de dest bi projeya mezintirîn baxçeyê li Bakur û Rojhilatê Sûriyê kir.
Xilêf da zanîn ku cihê baxçe li deriyê tina bajêr ê ji aliyê bakur ye û li ser du rêyên giştî ye û wiha dewam kir: “Proje ji aliyê pisporên endeziyarî, mîmarî, çandinî û karên sivîlan ve hatiye lêkolînkirin.”
Li gorî Xilêf, dê gelek beşên baxçeyê hebin wekî beşek ji bo rawestandina erebeyan (gerac), beşekî lîstokên zarokan, eywan, her wiha dê dar û cureyên cuda yên kulîlkan li dora baxçeyê bi temamî bên çandin. Xilêf destnîşan kir ku ketina baxçe bê pere ye û dê nehêlin ku tu alî tê veberanînan pêş bixin.
Ji aliyê rûpîvanê ve, ev baxçeyê herî mezin e li ser asta Bakur û Rojhilatê Sûriyê. Niha baxçeyê herî mezin li herêmê li bajarê Reqayê ye û rûpîvana wê 22 donim e. ANHA[1]
Kurdipedia is not responsible for the content of this item. We recorded it for archival purposes.
This item has been written in (Kurmancî) language, click on icon
to open the item in the original language!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
This item has been viewed 1,077 times
Write your comment about this item!