ئەسکەڼەر نەتاواش هۆرامانی گېرۊ، فەرهاد میرزا تۊ چېشەنی.
نویستەی: ئەسعەد ڕەشید
ژەنەو هۆرامانی جە تلوع و مېژووینە، دوورە بیېنە جە وېشارتەیۊ و وېپۊژنارەی و شەرمکەردەی جە ژیوایشەنە چەنی هامسەرەکەیش، بە وایەو ژیواییێ خاستەری و وەشتەری، ڕەنجشدان و شان بە شان و هامسەرەکەیش و جەنگاوەرا ناوچەکەیش وەرگیریش جە دژمەنی و جە دز و دروزنی و ڕاوڕووت کەری کەردەن.
جەنگ و(دەربەن دزڵیۍ)نە، میانو هۆرامانو (دزڵیۍ و تەختی و ڕەزاوی) چەنی دۆڵەتی بە فەرمنداری فەرهاد میرزای، ژەنۍ جەنگاوەرۍ هۆرامانی شان بە شانو هامسەرەکاشا چەنی واتەیۆ سروودەو(ئەسکەڼەر نەتاواش هۆرامانی گېرۊن، فەرهاد میرزا تۊ چېشەنی)، تەوەنیشا پەی لەشکرو فەرهاد میرزای تلۍ کەردېنێ .
یانی ژەنەو هۆرامانی چەنی ئانەیە کە خانمێ دڵسوزەو یانەو حاڵەکەیش و زارۊڵە وهامسەرەکەیش بیېنە، دڵسوزەو قۆمو قیلەی و نیشتیمانەکەیش بیېنەو پاڵو مېردەکەیشەنە قۊڵېش هۊرماڵێنۍ و گرد هەرمانێ پیایانېش کەردېنە، پېسە (سەمەر کۊکەردەیۆ،گیواو و خەلە دروونای، هیتەکەردەی، ئاڵف ڕنیەی،کرېکاری، کاروان کەردەی،...هتد)، لێوەتەریچۆ ژەنەو هۆرامانی بە تەحرێ جوان و زەریف ئارایېشکاریش کەردەن، وېش ڕازنانۆ بە پاکو پۊختەیی وېش نمایېش کەردەن.
ژەنەو هۆرامانی جوانی و زەریفیش سرووشتی بیەن، ئارایېشکەردەیش بە گژوگیواو بیەن، پەوکەی جە دەورانو پیریشەنە زەریفیش هەر باقی بیەن و ڕوومەتش نوورانی بیەن.عەشقی پاک جە هۆرامانەنە سەرمەشق و گرڎ و پېوەڼیەکا بیەن، ژەنی جە ڕاو هانەی و دلۍ باخی و وەختو گەلەینە دڵوازو وېش هۊرچنېیەن، پەوکەی ژەنی هۆرامانی پېسە ئەڎێوە دڵسوزۍ پەی زارۊڵەکاش، هەم پېسە هامکارێ هەرەقەتینەو هامسەرەکەیش بەرمەگنۊ. شەرت نېیەن تەمامو میللەتو هۆرامی پا تەرز و تەشکەبان، بەڵکم هەم ۋلی بۍ دڕەی، هەم دەرە بۍ چەقەڵ مەبۊ، بەیناوبەین چی ناوچەنە چن کېشێ میانو دوۍ بنەماڵانە دروسۍ مەبان، کە بە ئاوەزی گۆرەو نەرمونیانیێ فرە چارەکریان، ڕەنگە باعزە جارێ و چن یاگێ دیاریکریانە بە هامسەرگیری مابەینیشان کېشەکا چارەسەرکەران، دیارەن ئا جۊرە هامسەرگیریە سەرکۆتە نمەبۊن.[1]
Kurdipedia is not responsible for the content of this item. We recorded it for archival purposes.
This item has been written in (هەورامی) language, click on icon
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
This item has been viewed 611 times
Write your comment about this item!