(مەمی ئالان) بە هۆرامی کە میرزای لوڕستانی دۆروبەرو ساڵۊ 1850 پېڎاییە داستانەکېش نۋیستېنە و چە 975 بەیتا پېکئامێنە، کە بەراۋرڎ چنی (مەم و زین)و خانی 1725 بەیتېش کەمتېنۍ.[1]
میرزای لوڕستانی بە هۆرامی کە زۋانو ئەدەبیاتو وەرکۆت و پانیستو کورڎەسانی بېیەن، بە سەلېقەو وېش و پاجۊرە کە وېش بە گرنگش زانان، بە ڕەنگ و بۊۋېۋی تایبەت چنی پارېزنای گۆهەرە بۆتانییەکەیش داستانەکېش چە قاڵبېۋی هۊنیاینە نېیێنەراۋە..
بەداخۆ، تاکو ئی ساتۍ چەبارەو یاگۊ پېڎابېیەی و ژیۋای و مەرڎەی و تەنانەت ڕۇخسارو (میرزای لوڕستانی هیچ زانیارییېۋ ۋەردەس نېیا.
چە بارەو کتېبەکەیش هەر ئاڼە مزانمۍ، کە نۇسخە دەسنۋیسەکەش چە کتېبخانەی نەتەۋەیی ئاڵمانیای چە بەرلین پاڕېزیان و چی ساڵا دمایینە سدېق بابایی پەی سەرو ڕانۋیسی کورڎیی-هۆرامی ئاۋرڎەن و ساڵۊ 2018ی پېڎایی چە ئاڵمانیا چە 286 لاپەڕېنە چاپ کریان، ۋەڵاگاو (گۆتە و حافز)ی ۋەڵاکەرڎەنۆ.هەمان ساڵەنە چە شارو کۆڵنو ئاڵمانیای سدېق بابایی چە کۆڕېۋۍ تاییبەتەنە کتېبەکەی بە وەنەرە کورڎیی-زۋانەکا ئا وڵاتەیە مژناسنۊ.[2]
دماو دۋۍ ساڵا چە ۋەڵابېیەی ئاماڎەکارییەکەو سدېق بابایی، ساڵۊ 2020 جارېۋتەر نامېق هۆرامی بە سەلېقەو وېش چە پانیشتو کورڎەسانی داستانۊ (مەمی ئالان)ی بە بەراۋرڎکەرڎەی یەرۍ دەسنیۋیسا، (مەم و زین بە هۆرامی) چاپ و ۋەڵاکەرۊۋە.
[3]
This item has been written in (هەورامی) language, click on icon
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
This item has been viewed 1,771 times
Write your comment about this item!