داوای داخستنی یەکەکانی جێندەری دەکەم لە وەزارەت و دام و دەزگا حکومییەکاندا
حکومەت دەسەڵاتێکی باڵایە و سەرەتایترین ئەرکی ڕەخساندنی ئارامی تاک و کۆمەڵگەیە بە ئامانجی بەرقەرارکردنی ئاشتی کۆمەڵایەتی لەپێناو نەهێشتنی تاوان و بەدڕەشتی و ڕوبەڕوبونەوە و بەگژاچونەوەی هەرشتێک کە ببێتە هۆی پشێوی و تێکدانی شیرازەی خێزان و کۆمەڵگە، هەروەها ئەرکی لە پێشینەی حکومەت ڕێگری کردنە لە دەستێوەردانی بێگانە و هاوکات دانانی سنوورێکە بۆ دەستێوەردانە دەرەکیەکان،
وە ئەوەی گرنگە حکومەت پیادەی بکات پەیڕەوکردنی سیاسەتێکە لەسەر بنەمای ئایینی و کەلتوری ڕەسەنی کوردی و دواجار ڕەنگدانەوەی لەسەر تاک و کۆمەڵگە و پەروەردەیەکی تەندرووست و مرۆڤ دۆست و ڕەوشت بەرز، کاتێک ئەمانە ڕەنگدانەوەی لەسەر تاک و خێزان هەبێت ئیتر ئەوکات.
ڕێزگرتن لە دایک و باوک و گەورە و بچووک و مامۆستا دەبێتە کەلتور تاوانیش قێزەون دەبێت وەک ئەوەی کە لەڕابردوو دا وتا ئێستاش هەمان بووە و شانازی پێوە دەکەین.
بەڵام یەکەکانی جێندەری ڕێک پێچەوانەی ئایین و کەلتوری ڕەسەنی کوردییە لەبری پاراستنی ئاداب و ڕەوشتی بەرزی کوردەواری بە پێچەوانەوە هۆکارێکە بۆ بڵاوکردنەوەی بەدڕەوشتی بەرەڵاکردنی حەز و غەریزە و شەهوات دوور لە ڕەوچاوکردنی بنەمای ئایینی و ئادابی کۆمەڵگەی کوردی، هەڵگرانی دروشمی جێندەر پەروەردەکردنیان لەسەر بنەمای یاخی بوون لە خود و شڵەژان و کەسانی دەروون ئاڵۆز و سەرگەردان کردنی تاک و خۆپەرەستی و ئەنانیەت و حساب نەکردنە بۆ خێزان و کۆمەڵگە و ئایین و عورف کە ئەمانەش دەبنە هۆکاری تێکدانی ئاساییشی نیشتیمانی(ئەمنی قەومی) و ئاشتی کۆمەڵگە کە تاکە شتێکە ماومانە...
بۆیە ئەرکی دەسەڵاتە ئەو بەرمیلە باروتانە بەزوترین کات لە خۆی وخەڵک دوور خاتەوە کە بوونەتە بارێکی قێزەون و گران بەسەر خەڵکەوە و بوجەی گەل ئەخۆن و دژایەتیشی ئەکەن، چۆن دەبێت لەناو دام و دەزگای حکومەت یەکە هەبێت بۆ دژایەتی دین وگەل وئەخلاق ؟ [1]
#مونیرە عەلی عەبدولعەزیز#
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 531 times
Write your comment about this item!