ناونیشانی بابەت: زۆر ماندووم
نووسەر: #لەیلا بەرزنجی#
دانیشتووم بەدیار گرفەگرفی سۆپاکە، ئەویش وەک دڵی من دەسووتێ، چەندە تێکشکاو و چەند فرمێسکم داوەبەناخی زەویدا، هەڵبەتا لەو پێناوەشدا بەرد و ئاسمان و زەویم هێناوەتە تکا، کەچی من هێشتا لەمەلەکوتی زەویدام و نازانم بە کام ئاڕاستە دا ڕەوکەم و بارگەی تێدا بخەم، چۆن و لەکام هەواری خاڵی دڵما لابدەم و بیکەمە نیشتمانی ژیان و لانەی تەنیایم، کەشتی ژیان و تەمەنی بابردەڵەم لە کەناری کام مەنزڵدا لەنگەر بگرێ، خۆمنی بێ کەنار مەنزڵێکم نییە کەبۆی بڕۆم و لەنگەری تێدا بگرم... چیبکەم؟! هەر دێم و دەچم.. لەمسەر بۆ ئەو سەری ژوور ئاوی پێکانم داهات! ناتوانم بسرەوم ئەمشەو بۆمن زۆر سەخت و دژوارە پەروەرێنم خۆتۆ ئاگاداری مەگەر نەوتراوە: (پەروەرێن ئاگای لەخشەی مارو مێرووە)، ئەی بۆ ئاگات لەحاڵی ئەم بەندەت نیە، یاخود پشتت تێکردووە و لە عەرشی خۆت فڕێت داوەتە ئەولا.. سکاڵاناکەم، بەس تەنیاو تەنیا لێتدەپاڕێمەوە، کە ئەو ئامانەتیەی داوتە بەو بەندەیەت ئێستا تێکیهەڵشێلە گۆڕی گومکە و تیری قودرەتێک بنێرە و باعوومرکورت و کۆتاژین بێ، ئیتر بەسە ماندووبووم زۆرزۆر ماندوو زیاد لەتەمەنی خۆم خەمم خوارد و ماندووبووم.. ما...ن....د...و...و... [1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 313 times
Write your comment about this item!