#پارتی دیموکراتی کوردستان#، داوای 100 ملیۆن دۆلاری مانگە لە سنووری ئیدارەی #سلێمانی# دەکات و #یەکێتیی نیشتمانیی کوردستان#یش بە بەرپرسیار لەو بابەتە دەزانێت.
لە میانی گفتوگۆکانی نێوان بەرپرسانی پارتی و یەکێتی کە ماوەیەکە بەشێوەیەکی ناڕاستەوخۆ و دوور لە چاوی میدیاکان بۆ چارەسەری کێشەکان بەڕێوەدەچێت، باسی داهاتی سنووری سلێمانی کراوە.
بەرپرسانی یەکێتی باسیان لەوە کردووە، کە ئەوان تەواوی هەوڵی خۆیان خستووەتەگەڕ بۆ کۆکردنەوەی داهاتی سلێمانی و ئەوەی هەیە ئێستا ئەوپەڕی توانای کۆکردنەوەی داهاتە، کە بەهاکەی نزیکەی 70 ملیۆن دۆلاری مانگانەیە.
بەرپرسانی پارتی باوەڕیان بەو بڕە نەکردووە و جەختیان کردووەتەوە کە داهاتی سلێمانی زۆر لەوە زیاترە، بەڵام دەستی حیزب و چەند کەسایەتییەک وایکردووە، مانگە و مانگ کەم بکات.
بەرپرسانی پارتی باسیان لەوەش کردووە، کە بۆ دابینکردنی خزمەتگوزارییەکان و پڕکردنەوەی کورت هێنانی موچە، پێویستە مانگانە بڕی 100 ملیۆن دۆلار لە داهاتی سلێمانی بخرێتە سەر ئەژماری حکومەتی هەرێم، بۆ ئەوەی کێشە داراییەکان چارەسەر بکرێت. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 555 times
Write your comment about this item!