ئاندە لوە باوان جلت چێر یاوان
وێت جە هیچ یاگێنە و پەت هیچکەسی سووک مەکەرە. هەمیشە بەجۆرێ وێت نیشانە بدە کە خەڵک حەز بە بیەیت یا دیەیت کەرۆ. هەمیشە وێت قورس گێرە، ڕێز و حورمەت جە وێت گێرە تا خەڵکیتەریچ ڕێز و حورمەتت گێرۆ.
ئی واتە ڕوەش کەردێنە ژەنێوە کە شووش کەردەن و خانەولانەو وێش هەنش، پەنەش ماچۆ تەنانەت ئاندە لوە یانەو تاتەیت کە خێرامایت کەرا و ئێسکت قورس نەبۆ لاشاوە. جا کە یانە باوان مارۆوە، مەبەسش نزیکتەرین و وەشەسیاتەرین کەسا کە هەرگیز چەنەت بێزارێ مەبا، سەرەڕاو ئانەیچ ماچۆ هاگات چەنە بۆ فرە نەلی کە ئێسکو وێت لاشاوە قورس کەری.
ئینە تەنیا پەی ئامۆشۆی نیا بەڵکو پەی گردو بوارەکا ژیوایا، پەنەما ماچۆ دوورێ بیدێ جە چێوی دووبارەی، هەمیشە تازێ و تاسۆخێ بیدێ، کاروهەرمانتا تاسۆخانە بۆ، قسێتا بەیاگێ با و بە وەخت. دووری گێردێ جە فرەیی و بۆری، گردچێو کەمش وەش و عالا و فرەش بۆ مایێ ناوەشی و بێتاقەتی و بێزاری.[1]
This item has been written in (هەورامی) language, click on icon
![](https://www.kurdipedia.org/images/flags/ku.png)
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
This item has been viewed 673 times
Write your comment about this item!