سەرکردەکانی چوارچێوەی هەماهەنگی پشتگیری خۆی بۆ ئەو ڕێوشوێنانە دووپاتکردەوە، کە لە لایەن محەمەد شەیاع سوودانی سەرۆک وەزیرانی ئێڕاقە گیراوەتەبەر بە مەبەستی چاککردنی دۆخی خەڵک.
سەرکردەکانی چوارچێوەی هەماهەنگی لە میانی کۆبوونەوەی ئاسایی خۆیان، کە لەگەڵ محەمەد شەیاع سوودانی ئەنجامیاندا، پشتگیری خۆیان بۆ حکومەت دووپاتکردووەتەوە.
هەروەها سەرکردەکانی چوارچێوەی هەماهەنگی داوایان لەسەرۆک کۆماری ئێڕاق کردووە، سزای لە سێدارەدان بەسەر تاوانباران، کە خوێنی ئێڕاقییەکانیان ڕژاندوە پەسەند بکات.
هاوکات داوایان لە محەمەد شەیاع سوودانی کردووە، کار بۆ پەسەندکردنی یاسای نەوت و گاز لە پەڕڵەمان و هەموواری یاسای هەڵبژاردن و پەسەندکردنی پڕۆژە یاسای بودجە بکات، کە ئەوانیش بە تەواوی پشتگیری ئەو هەنگاوانە دەکەن.
کۆبوونەوەی سەرکردەکانی چوارچێوەی هەماهەنگی و محەمەد شەیاع سوودانی شەوی چوارشەممە #04-01-2023# ئەنجامدراوە و بەشێکی گفتوگۆکانیش تایبەت بووە بە پرسی بەرزبوونەوەی نرخی دۆلار بەرانبەر دیناری ئێڕاقی. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 571 times
Write your comment about this item!