ژیانی هاوسەرگیری ئەوکاتە سەرکەوتووە کە هەردوولا بتوانن لەیەکتری تێبگەن و خۆشەویستی و ڕێز لەنێوانیان هەبێت، ڕەنگە کاتێک گرفتێک لەنێوانیان ڕودەدات کار بگاتە ئەوەی بڕیاری جیابوونەوە بدەن بێ ئەوەی هۆکارەکەیان شایەنی ئەوە بێت، ئەمەش پەشیمانیان دەکاتەوە لە داهاتودا.

$باشترە لەبەر ئەم هۆکارانە هەرگیز هاوسەرەکەت جێنەھێڵیت و لێی جیانەبیتەوە$
1- کاتێک هاوسەرەکەت گرفتی منداڵبوونی هەیە یان ناتوانێت منداڵی هەبێت، تۆ لە کۆتاییدا ئەوت وەکوو خودی خۆی ویستوە نەک بەهۆی منداڵەوە.
2- کاتێک هاوسەرەکەت پارەی نییە یان ڕووبەڕووی گرفتێکی گەورەیی دارایی دەبێتەوە.
3- ئەو کاتەی هاوسەرەکەت نەخۆشە یان تووشی هەر گرفتێکی تەندرووستی دەبێتەوە.
4- کاتێک ڕەفتارێکی هاوسەرەکەت بە دڵی تۆ نییە، لەبری ئەوە هەوڵبدە یارمەتیبدەیت ڕەفتارەکەی چاک بکاتەوە.
5- ئەو کاتەی هاوسەرەکەت وەکوو جاران خۆشەویستیت بۆ دەرناخات، ئەمەش ڕەنگە بەهۆی سەرقاڵی یان نیگەرانی بێت لە بابەتێک. [1]