$خودا لە کوێیە؟$
#ڕێبین ئەحمەد ڕەشید#
خودا ناهید و بێ کۆتایە، ئەو لەدەرەوەی کات و شوێنە، لەدەرەوەی شەش جیهەت و پێنج هەستەکە و ئاسمانەکان و زەوی و هەر چوار پێویستییەکە ''خاک ، ئاو ، زەوی ، ئاگر''ە، بەڵام خۆی بە قەدەر دەرک و تێگەیشتنی تۆ بچووک دەکاتەوە، هێندەی نیازی تۆ خۆیت بۆ دەردەخات، هێندەی ئارەزوەکانت بۆت فراوان دەبێت و هێندەی ئیمانت پێی دێتە سەردانت و فەریادڕەسیت دەکات.
هەندێ جار دەبێتە باوکی هەتیوان، هاوەڵی تەریک و بێ هاوەڵان، منداڵ بۆ وەجاخکوێران، ئومێدی نائومێدان و قیبلەنومای وێڵگەرد و ڕێونکردوان.
خۆی دەکاتە نوور بۆ تاریکی، شمشێر بۆ مەزڵومان، عەسای دەستی پیران، عەشیقەی عاشقان و دڵشکاوانی داستانی عیشق.
ئەو دەبێتە هەمووشتێک بۆ هەموو کەسێک بە مەرجی ئیمان پێی، بە مەرجی پاکی دڵ، بە مەرجی دورکەوتنەوە لە مامەڵەی شەیتان.
بشۆن:
دڵەکانتان لەهەر هەست و جریوەیەکی ناڕەوا پێی، عەقڵتان لەهەر گومان و خۆبەزل زانینێکی بەد، زمانتان لەهەر قسەیەکی کەم و ناجۆر، دەستەکانتان لە ئالوودەیی بازاڕ و فرتوفێڵ و تەرازوبازی و ماڵی خەڵک.
دوورکەونەوە:
لە نامەردی، ناپیاوی، نا نەجیبی، نا ڕاستی و هەموو ئەو نایانەی هۆکاری دوورکەوتنەوەن لە حەزرەتی باری تەعالا.
وا بکەن ئەنجا ببینن خودا چۆن لەسەر سفرەکانتان بەرانبەر پاروویەک نان و قومێک ئاو لەگەڵتان دادەنیشێت، لە دووکانەکانتان کاسەی تەرازوەکانتان بۆ دەکێشێ، لە کوچە و ماڵە خەڵوەتییاکانتان لەگەڵتان دێتە ڕاز و نیاز، مەگەر چیت دیکەی زیاترت لەمە دەوێت ئەی مرۆڤ؟
بەڵام باش بزانە خودا لە خوایەتی کردن و خۆبە خوا زانین دەرناکەوێ، ئەندازەی گەردیلەیەک لە کیبردا تەجەللی ناکات، خۆی لە لوتبەرزی دەشارێتەوە و بە هەزار زمان پێتان دەڵێ لەوێ بۆم مەگەڕێن ..
(الاسفار الاربعە /صدرالمتالهین ملا صدرا شیرازی) [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 840 times
Write your comment about this item!