#بېسارانی#
دڵ زەمینەوە، دڵ زەمینەوە
مەفڕیۊ مەڎۊ وېش زەمینەوە
چۇن تېفڵان ماچۊ، بەو گرینەوە
ئەو خاڵەم مەبۊ، بەو جەمینەوە
خاکی ڕۇی زەمین مەکەرۊ بە کۊ
مەکەرۊش بە سەر هەتا مەتاوۊ
بە زار مەناڵۊ، مەناڵۊ بە زار
زار زار وېنەی مورغ زەدەی هېجران بار
من واتم دڵە قنجە قنجە بای
بە نېشی ئەڵماس ژاراو ڕەنجە بای
خاڵی بە ڕوخسار زڵېخا چارەن
مانگی ڕۇی زەمین، نەقشی ستارەن
کۍ مەڎۊ وە دەست چۇن تۊ گەدایێ؟
جە گەدا بەدتەر بۍ ڕەویە و ڕایێ
ئەبلە، مەکەرە خەیاڵانی خام
نمەیۊت وە دەست خاڵی دڵئارام
وېت مەدەر وە دەست خوردە خەت و خاڵ
خەیاڵ مەکەرۊت بە کۊگای زۊخاڵ
[1]