ناو: باپیر
نازناو: مامۆستا باپیر
ناوی باوک: بەکر
$ژیاننامە$
باپیر بەکر باپیر وەیسی خدر ئەحمەد لە عەشیرەتی جافە، ناسراو بە مامۆستا باپیر ساڵی 1951 لە گوندی عەوداڵان لە سنووری شاری #کۆیە# هاتۆتە دونیایەوە .دوایی هاتونەتە شاری کۆیە، هەر لە گوندی عەوداڵان لە تەمەنی یەک ساڵیدا باوک و دایکی چونەتە شاری #کەرکووک# لەبەر ئەوەی باوکی فەرمانبەری سەربازی بووە ، دواتر لە تەمەنی 4 چوار ساڵیدا گواستراوەتەوە شاری #سلێمانی#، لە تەمەنی شەش ساڵیدا لە قوتابخانەی کانێسکان دەستی بە خوێندن کردووە ، تا پۆلی سێ یەمی سەرەتایی لە سلێمانی تەواوکردووە ، دواتر گەراونەتەوە شاری کۆیە، دوای ئەوەی باوکی خانەنشین بووە لەپۆلی چوارەمی سەرەتایی لە قوتابخانەی ئولای لە کۆیە بەردەوامی بە خوێندن داوە ناوەندی و ئامادەیی هەر لە خوێندنگەی ئامادەیی کۆیەی کوڕان تەواوکردووە، لە ساڵی 1972 لە پەیمانگای مامۆستایانی #هەولێر# وەرگیراوە لە ساڵی 1974 بڕوانامەی دبلۆمی بەدەستهێناوە، یەکەم دامەزراندنی بە مامۆستا لە گوندی #پێبازۆک#ی #دەشتی کۆیە# بووە، دواتر بووەتە بەڕێوەبەر لە قوتابخانە لە گوندی #سوێرەلە# لە کۆتایی ساڵی 1981 بەهۆی ئەوەی داواکران بۆ سەربازی، نەچووە بۆ سەربازی ڕێزەکانی پێشمەرگەی هەڵبژاردووە، بوو بە پێشمەرگە، دوای ڕاپەڕین جارێکیتر لە ساڵی 1998 دەستی بەخوێندن کردەوە لەکۆلیجی یاسای #زانکۆی سلێمانی# تەواوکرد، ساڵی 2002 بەشی یاسایی زانکۆی سلێمانی تەواوکردووە، مامۆستا باپیر ساڵی 1977 هاوسەرگیری کردووە لەگەڵ خاتوو نەسرین ئەویش هەر مامۆستا بووە کە خزمی خۆیەتی، ناوی کوڕ و کچەکانی 1-هاوکار ، لە دایک بووی ساڵی 1978 بڕوانامە ی دکتۆرا خوێندنی کۆلیجی ئەندازیاری زانکۆی کۆیە 2-ساکار، لە دایک بووی 1981 بەکالۆریۆس لە وەرزش 3-خۆشی، لەدایک بوەی 1984 بڕوانامەی بەکالۆریۆس لە ئاداب و بەشی جوگرافیا بەدەستهێناوە مامۆستای ئامادەییە 4-بێلان، لە دایک بووی 1989 لە ئێران لە شاری (پیرانشهر ) بەکالۆریۆس لە ئەندازیاری پەیوەندییەکان و دواتر ماستەر لە هەمان بەشەکەی خۆی بەدەستهێناوە لە وڵاتی مالیزیا 5-لانە، لە دایک بووی ساڵی 1991 لە هەولێر لەدایک بووە بەکالۆریۆس و ماستەریش لەبزنس بەدەست هێناوە لە زانکۆی کوردستان لە هەولێر، 6-شکار، لەدایک بووی ساڵی 1994 بڕوانامەی بەکالۆریۆس لە ئەندازیاری شارستانی بەدەستهێناوە لە زانکۆی هەولێر 7-ژیار، لەدایک بووی ساڵی1998بڕوانامەی بەکالۆریۆس لە #زانکۆی سەڵاحەدین# بەدەستهیناوە مامۆستا باپیر یەکێکە لە کەسایەتییە دیارەکانی کۆیە و کوردستان ، پیاوێکی ڕاستگۆ و بە وەفا و بە ئەمەکە، برادەر و خزم دۆستە، کەسێکی پاک و دڵسۆز و نیشتمانپەروەرە، گەر لاپەڕەی مێژووی ژیانی هەڵبدەینەوە خزمەتی زۆری هەیە لە هەموو ڕوویەکەوە ، هەر لە پێگەیاندنی قوتابییان کە مامۆستا بووە لە خەباتی ڕێکخستنەکانی شار و شاخ و پێشمەرگایەتی جێگای شانازیە ، ئەو پلە و پۆستانەی کە پێیدراوە لە زەمانی شار و شاخ ، ئەمانەن؛
لە ژیانی سیاسی و خەبات و تێکۆشانی مامۆستا باپیر لە ساڵی 1973 مانگی تەموز (گەلاوێژ) پەیوەندی کردووە بەریزەکانی (کۆمەڵەی مارکسی و لینینی کوردستان -دواتر بووە #کۆمەڵەی ڕەنجدەرانی کوردستان# ) لە ڕێگای مامۆستای کوردایەتی شەهیدی نەمر مامۆستا (#حەمید کەریم شانە#) کە خەڵکی شاری کۆیەیە ، مامۆستا حەمید کەتەمەنی لە ئەو گەورەتر بووە چەندساڵێک بوو ئامادەییان تەواوکردبوو ، بەڵام لە زانکۆ وەرنەگیرابوون ، کاتێک ئەو پەیمانگایە لە هەولێر کرایەوە ، هەموو ئەوانەیان لەو پەیمانگایە قبول کرد، کە چەند ساڵێک مابوونەوە ، لەو پەیمانگەیە ، لەو پەیمانگایە یەکتریان ناسی ڕاستەوخۆ شەهیدی نەمر مامۆستا حەمید داوا لە مامۆستا باپیر دەکات کە پەیوەندی بەریزەکانی کۆمەڵەوە بکات، امۆستا باپیریش بێ دوودڵی قبووڵی دەکات تا ساڵی 1974 شەڕ لەنێوان کورد و حکومەتی ئێراق درووست بوو، بە یەکەوە کاری ڕێکخراوەییان ئەنجامدەدا لە سنووری شاری کۆیە، .بەڵام کە شەر درووست بووەوە مامۆستا حەمید پەیوەندی کرد بەریزەکانی پێشمەرگەوە، داوایان لەمامۆستا باپیر و هاوڕێکانی کرد بە بڕیاری کۆمەڵە کە ئەوانە نەناسراون لەلایەن ڕژێمەوە دەبێت بمێننەوە ئەرکی ڕێکخراوەیی کۆمەڵە ببەن بەڕێوە لەشارەکاندا، مامۆستا باپیر ئاگادار دەکرێتەوە کە پەیوەندی بە شەهیدی هەرگیز نەمر مامۆستا (#جەعفەر عەبدولواحید#) ەوە بکات مامۆستای ئامادەیی بووە لە شاری هەولێر لە ئامادەیی جمهوری ، ئەرکی ڕێکخستنی کۆمەڵە لە سنووری شارۆچکەی کۆیە دەکەوێتە دەست مامۆستا باپیر کە بەردەوام بوو لەپەیوەندیکردن بە خەڵکانی نیشتمانپەروەر و شۆڕشگێر ، توانیویانە باسکی ڕێکخستن لە کۆیە بەهێز بکەن، لە ساڵی 1975 مامۆستا (جەعفەر عەبدولواحید ) لەلایەن ڕژێمی #بەعس#ەوە ڕاوەدوونران ، مامۆستا باپیر و هەڤاڵەکانی پچران لە کاری ڕێکخستن تا ماوەی دووساڵ دواتر جارێکیتر پەیوەندییان کردووەتەوە بەرێکخستنەوە بەردەوام بوون لە کاری ڕێکخراوەیی خۆیان . هەنگاوی بنەڕەتی مامۆستا باپیر و ئەوان ئەوەبووە کە خەڵک ڕێکبخەن لە ڕیزەکانی کۆمەڵە و سازیان بدەن بۆ پەیوەندی کردن بەریزەکانی پێشمەرگایەتی و بەهێزکردنی شۆڕش ناردنی دەنگ و باس و پاراستنی کۆمەڵە لەناوەوە ، وە لە ڕیزەکانی پێشمەرگەشدا، مامۆستا باپیر دوای ئەوەی کە لە #5-2-1982# دەچێتە شاخ دەبێت بەپێشمەرگە دەچێتە #ناوزەنگ# ماوەیەک لە ناوەندی کۆمەڵە دەمێنێتەوە ، هەرلەو کاتەدا کەرتی ڕێکخستنی کۆمەڵە درووستکرا لە سنووری هەرشارۆچکەیەک، وەک ئەندامی کەرتی ڕێکخستن گەڕاوەتەوە سنووری کۆیە، دوای چەند مانگێک هەڵبژاردنی کەرتەکانی ڕێکخستنی دەستی پێ کرد ، ئەو هەڵبژاردنە لە گوندی #کڵێسە#ی دەشتی کۆیە کرا، لەهەڵبژاردنەکە دەنگی یەکەمی بەدەستهێناوە کاک باپیر ، بەشداری کۆنفرانسی کۆمەڵەیان کرد لەناوزەنگ لاهاویندا بوو …دوای کۆنفرانسەکە مامۆستا باپیر کرا بە لێپرسراوی یەکەمی کەرتی ڕێکخستن ماوەیەک لەدەشتی کۆیە ماوەتەوە ، گفتوگۆی ساڵی 1983 -1984 لەگەڵ حکومەت کرا ، بڕیاردرا کە ڕێکخراو بۆ کۆمەڵە درووست بکرێت لە سنووری مەڵبەندەکان ، مەڵبەندەکان ڕێکخراویان لەگەڵ دەبوو ، بارەگای ڕێکخراو لە گوندی (#سوسێ# ) کرایەوە مامۆستا باپیر بووە کارگێڕی ڕێکخراو ، ڕووداوەکان زۆر بەخێرایی دەرۆیشت دووبارە پلنیۆم کرا ، لەپلنیۆم ڕێکخراوەکانتان هەڵوەشاندەوە ، بەرپرسی ڕێکخستنی تیپەکان درووستکرا مامۆستا باپیر گواستراوەتەوە بۆ تیپی #91ی سەفین# لە گوندی #نازەنین# ، لەوێ بارەگای تیپ و ڕێکخستن بە یەکەوە بووە ، دوای کێشەیەکی گەورە لە سنووری #تیپی 21ی کەرکووک# هەبوو ، بەو هۆیەوە تیپی 21ی کەرکووک کرا بە سێ تیپ لەسنوورەکانی #شوان# و قەڵاسێوکە و ، دۆڵی #سوورداش# دابەشکران بەرپرسەکانی سنوورەکە بۆ شوێنێک گواسترانەوە ، خەڵکی تازەیان بردە ناوچەکە ، کاری ڕێکخستنیش لەگەڵ تیپەکان دابەشکران .. لەپایزی 1986 مامۆستا باپیر گواستراوەتەوە بۆ تیپی 21ی کەرکووک ، لە #شارباژێر#ەوە یەکێکیان هێنا کردیان بەسەرتیپی 21ی کەرکووک ، گشتیان هەر لەو سنوورە ماونەتەوە تا ئەنفالەکان، دوای کەوتونەتە ئێران ، لەوێش بەرپرسیاریەتی نوێیان پێداوە ، تاراپەرین درووست بوو ، مامۆستا باپیر ڕۆڵ و دەوری زۆر باشیان هەبووە لەگەڵ لەگەڵ 14 پێشمەرگە هاتونەتە سنووری کۆیە ، ئەوەبوو ڕاپەڕینی کۆیە کەرۆژی #9-3-1991# دەستی پێ کردوو دوای شەرێکی سەخت کۆیە ڕزگار کرا ، کاک باپیر کراوەتە لێپرسراوی کۆمیتەی کۆیە، لە کوردستان سەرەتا 9 کۆمیتە درووستکرا ، تاکۆنگرەی #یەکێتیی نیشتمانیی کوردستان# کرا لەو کۆنگرەیەدا هەموو ڕێکخستنەکانی کۆمەڵە و شۆڕشگێران و هێڵی گشتی حەل کران ، یەک ڕێکخستن درووست بوو بەناوی یەکێتیی نیشتمانیی کوردستان ، دوای کۆنگرە لە سلێمانی بەسترا بووە هۆی داڕشتنی تەشکیلاتی نوێ ، بەپێ ی ئەو واقعەی کە پێشمەرگە و سەرکردایەتی لە شاخەوە هاتون بۆ شار . هەر لەو ماوەیەدا لیژنەی تەنسیق واتە لیژنەی هەماهەنگی درووستکرا بۆ پەیوەندی کردن لەنێوان هێزەکانی حکومەتی ئێراقی و پێشمەرگە، کە لە ئەنجامی درووست بوونی ناوچەی دژەفڕین هاتە کایەوە ، مامۆستا باپیر کرا بە بەرپرسی هەماهەنگی نێوانیان لەگەڵ حکومەتی ئیڕاق ، دوا بە دوای ئەوە ئێراق لە ناوچەکە هێزەکانیان کێشایەوە ، مامۆستا باپیر لە کاری ڕێکخستنی حیزبی نامێنێ دەکرێتە ئەندامی (لەشکری 3 کە بارەگایان لە#شەقڵاوە# بووە لە ساڵی 1995 گواستراوەتەوە بۆ شاری هەولێر کە حکومەتی هەرێم درووستکرابوو لە مەکتەبی پەیوەندییە نیشتمانی و نەتەوەیەکان بووەتە ئەندامی مەکتەب ….. لە31ی ئابی 1996 کە هێزی یەکێتی نەما لە هەولێر ، کەوتنە سلێمانی لەوێ کرا بە جێگری مەکتەبی پەیوەندییە نیشتمانی و نەتەوەیەکان ، لە ساڵی 2003 حکومەتی بەعس لەسەردەستی ئەمریکییەکان کۆتایی پێهێنرا کەوتە سەرکاری حکومی مامۆستا باپیر کرا بە بەڕێوەبەری گشتی پەروەردەی هەولێر لە کۆیە ماوەی دووساڵ و هەشت مانگ لە کۆیە بووە .لەساڵئ 1998 حکومەتی هەولێر و سلێمانی یەکیان گرتەوە گواستراوەتەوە بۆ #وەزارەتی پەروەردە# وەک بەڕێوەبەری گشتی و ئەزموونەکان هەرێمی کوردستان 13 ساڵ بەڕێوەبەری گشتی بووە لەوەزارەتی پەروەردە .. لە #31-10-2016# خانەنشین کراوە .هیوای لەش ساغی و تەمەندرێژی دەخوازم لە بۆ ئەوپیاوە خەباتکارو شۆڕشگێرە کوردپەروەرە…مامۆستا باپیر یەکێکە لەکەسایەتییە ناسراوو دیاری کۆیەو کوردستان پیاوێکی زێدە بەڕێز و خۆشەویستە.[1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 711 times
Write your comment about this item!