ناڤ: واحد
ناسناڤ: واحید مەرجان
ساڵا ژ دایکبوونێ: 1942
ڕۆژا مرنێ: #09-02-2016#
جهێ ژ دایکبوونێ: #هەڤلێر#
جهێ مرنێ: هەڤلێر
واحد مەرجان ژدایک بوویێ ساڵا 1942 ل تاخا تەیڕاوە یا هەڤلێرێیە.
بو خوەندنا سەرەتایی ل قوتابخانا ئیبن مستەوفی بوویە، ل ساڵا 1958 پشکدارییا ئێکەم پێشانگەهێ ل یاریگەها #هەڤلێر#ێ کرییە و پلەیا ددوان بدەست خوەڤە ئینایە. ل ساڵا 1959 بوویە ئەندامێ دەستەیا دامەزرێنەرێن تیپا موسیقایا دەرسمێ، دەرچوویێ خانەیا ماموستایانە ل ساڵا 1962 و ساڵەک پشتی وێ ل باژێرۆکی شەقلاوە ئەرکێ ماموستایی وەرگرتییە.
ل ساڵا 1974 ب هۆزانا ئوپەرێتی باران کو ل ئاواز و نڤیساندنا وی بوویە پشکدارییا ئێکەم فستەڤاڵا هونەرا کوردی ل بەغدایێ کرییە و د هەمان دەم دە ئەندامێ لێژنەیا هەلسەنگاندنێ بوویە.
ساڵا 1979 وەکە شارەزا د بوارێ جل و بەرگان دگەل تیپا هونەرێت میللی کار کریە و هەر دگەل ڤێ تیپێ سەردانا وڵاتێن ئێکەتییا سوڤیەت و نەمسا کرییە وەکە سولێست لسەر ئامیرێ عودێ.
ساڵا 1982 ئان دێبیتە سەرپەرشتییارێ هونەری ل ڕێڤەبەرییا شانو و هونەرێن میللی.
سەروکی تیپا موزیک گرووپا موزیکا هەڤلێرێ, سەروکێ تیپا موزیکێ یا کومەڵەیا هونەر و وێژەیا کوردی, سەروکێ تیپا موزیکا کرێکاران, سەروکێ تیپا موزیکا چالاکیێن هونەری, سەروکێ تیپا موزیکا ماموستایان, سەروکێ تیپا موزیکا هونەرێن میللی ل ساڵا 1994, ئەندامێ تیپا موزیکا شووڕش بوویە.
پشتی ڕاپەڕینا مەزنا باشوورێ کوردستانێ ل ساڵێن 1998 – 2000- 2004 – 2007 پێشانگەهێن تایبەت ب خوە دێ ڤەکەت و شارەزایی ل چەندین ئامیرێن موزیکێ وەکە کەمانچە و عود و نای ڕیتم هەبوویە.
بوو ئێکەمجار ل کوردستانێ ئامیرێ ئۆکۆردیۆن ل شێوازێ ڕوژئاڤایی دگوڕیت بو ڕۆژهەڵاتی.
خودیێ چەندین ئاوازانە وەکە: تارا، پیرمام ئۆپەرێتی تارا، کاروانی خەبات باران، کۆچ، ئاغا، جوتیار.
چەندەها ئاوازێن شانوویێ بو ئەحمەد سالار، تەڵعەت سامان و فەرهاد شەریف داناینە.
دگەل گەلەک هونەرمەندێن ناڤدارێن کورد موزیک ژەنییە وەکە: تاهر تۆفیق، #محمد عاڕف جزیری#، مشکو هەڤلێری، مریەم خان، عەیشەشان، ڕەسوول گەردی، فوئاد ئەحمەد، محەمەد ئەحمەد ئەربیلی، محەمەد جەزا، عیسا بەرواری.
ئەندامێ سەندیکایا هونەرمەندێن عیراقێ و کوردستانێ بوویە، ئەندامێ ڕێکخراوا هونەرمەندێن کوردستانێ بوویە، پشکدارییا گەلەک شانوو و درامایان کرییە وەکە تاپۆ حەقی چییە، گولی نهێنی، مارەیی مێوانی ناوەخت، ئەمینە ئەتەندی، گەمەی خەونە ئازادەکان، مەمی ئالان، چلپاو کاروانی خەبات، چارە ڕەش، چیرۆکی کون، زاوای گەلحۆ، ڕووباری ژیان، شێت خانە، ئابروویی خێزان، سێ کەلەپوتەکی.
ل ڕوژا 09-02-2016 ل هەڤلێرا پایتەخت ماڵئاڤاهییا ئێکجارکی ل ژیانێ کر.[1]