#مێردین# ئانکو #ماردین#، باژێڕێکی #باکوورێ کوردستان#ێیە، ل باشوورا ڕوژهەڵاتا وڵاتێ ترکیایێ، باژێڕێ مێردین پایتەختا پارێزگەها مێردینێ یە، بەشەکە زوورا ڕونشتڤانێن وێ کورد بوون ئو دگەل وان عەڕەب و ئاشووری ژیک هەنە. چاڤکانی دبێژن کوو ناڤنانا وێ ناڤەکە ب زمانێ ئارامییان، کوو د بنەجﮪ دە واتایا کەلهێ ددەت کو هەر ل سەردەمێ ئیمپراتۆرییەتا #ئاشووری#یا نوو دە بڤی ناڤەی هاتییە ناساندن، دیروکا مێردینێ ڤەدەگرت ژبوو سەردەمێ ئاشوورییان ل هزارەیا پێش زایینێ، ئەو دەڤەر یا ب کەلهێن زوور یا بەرنیاس بوو، کوو تەڤایا وانا دگەل هاتنا ئایینێ مەسیح کەتینە بن سێبەرا مەسیح لێ مێردین وەک سەنتەرەک ژبوو ئایینێن دن ژی مایە، ل وێرێ ئایینێ ئێزدی ژیک دناڤا ڕونشتەڤانان پەیڕەوێن خوە هەبوونە، هێدی هێدی ئائینا ئێزدی کێم بوویە و ئەڤ باژێڕە بوویە تێکەلەک ژ ئایینێن مەسیحی و ئێزدی و ئیسلام. کومەڵکووژیێن سەیفو و ڕامیاری بوونە ئەگەرا هندێ کوو ڕێژەیا کوردان ل مێردینی بەرەڤ کێم بوونێ بچتن و ب زوورینەیا ڕونشتەڤانان ببنە تورک و ئو ل دیف وێ کورد و عەڕەب بهێن.
مێردین بە هاڤینەکە گەرم و زڤستانەکە تەڕ ب باران و بەفرێ یا بەرنیاسە، ل وەرزا هاڤینێ پلەیا گەرمێ هەتا 40 پلان سەردکەڤیت و گەرمایەکە ب تین هەیە ئەڤەژی لبەر هەڤ سنوورییا وێیە دگەل وەڵاتێ سووریایێ، ل مەها کانوونا ئێکی هەتا ئازارێ بو ماوێ هەفتییەک هەتا دوو هەفتییان بەفر ل ڤی باژێرەی دباریت، ل مێردینێ ساڵانە نێزی 3000 کاژێران هەتاڤ ل دەرڤەیە و ئو هەتا ڤی دمەی 42.5 پلە زۆرترین پلەیا گەرمی یێ بوویە کوو ل مێردینی هاتبیتە تومار کرن. ئو سەبارەت ب ڕێژەیا بارینا بارانێ د هەر ساڵەکێ دە نێزی (641)ملم دباریت کو دکەتە (25)ئینج.
بلنداهییا مێردینێ 1083 مەتر ئانکوو 3553 پێ نە لسەر ئاستێ زەریایێ.[1]
This item has been written in (کرمانجی - کوردیی سەروو) language, click on icon
to open the item in the original language!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 485 times
Write your comment about this item!