سەردانەکەی #مەسرور بارزانی#، سەرۆکی حکومەتی هەرێمی کوردستان بۆ پاریس، ئامانج لێی داوای نێوەندگیری فەرەنسایە لەنێوان #هەولێر# و #بەغدا#. مەسرور بارزانی دەیەوێت کێشەکانی هەرێمی کوردستان، بەتایبەت دۆسییەی نەوت و بودجە لەگەڵ حکومەتی ئێراق یەکلایی بکاتەوە، ئەمە جگە لەو کێشە هەڵپەسێراوانەی چەند ساڵێکە لەنێوان هەردوولادا هەیە.
مەسرور بارزانی هەوڵدەدات خۆی لەو بژاردانە بەدوور بگرێت، کە ڕەنگە زیانیان بۆ سەر هەرێم هەبێت، وەک پەنابردن بۆ کشانەوە لە پڕۆسەی سیاسی ئێراق، بەو پێیەی ئەم بژاردەیە کاردانەوەکانی خراپی دەبێت، بەڵام لەگەڵ ئەوەش وەک دوا کارتی فشار هێشتوویەتییەوە بۆ کۆتایی هێنان بە کێشەکان.
لە ئێستادا #19-02-2023# سەرۆکی حکومەتی هەرێم گرەو لەسەر پەیوەندییە باشەکانی پاریس و بەغدا دەکات، جگە لەوەی لەو نێوەندە بەرژەوەندیی فەرەنسا هەیە بۆ یەکلاییکردنەوەی ناکۆکییەکانی نێوان هەولێر و حکومەتی فیدراڵی بۆ بەرزکردنەوەی وەبەرهێنانەکانی وزە لە کوردستان. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 393 times
Write your comment about this item!