لە کۆبوونەوەکەدا پارتی و یەکێتی تاوتوێی سێ پرسیارن کردووە و تاڕادەیەک هاوبۆچوونی لەنێوانیان هەبووە، کە تایبەت بووە بە پرسی ئەنجامدانی هەڵبژاردن و هەمواری یاسای هەڵبژاردن و کاراکردنەوەی کۆمیسیۆن و لیستی دەنگدەران. یەکێتی نیشتمانی دەیەوێت ئەو نزیکبوونەوەیە ببێتە بنەمای ڕێککەوتن لەسەر پرسەکانی دیکەش.
لە کۆبوونەوەکەدا، لە بابەتی کۆمیسیۆن، #پارتی دیموکراتی کوردستان# و #یەکێتیی نیشتمانیی کوردستان# هاوڕابوون، پرسی کارارکردنەوەی کۆمیسیۆن لە پەڕڵەمان یەکلابکرێتەوە، بە مەرجێک ئەو کۆمیسیۆنەی کارا دەکرێتەوە، بە هاوبەشی لەگەڵ کۆمیسیۆنی ئێراق هەڵبژاردنی پەڕڵەمانی کوردستان بەڕێوەببەن.
شاندەکەی پارتی و یەکێتی بۆ پرسی بازنەکان و هەمواری یاسای هەڵبژاردن، بە تەواوی بدرێتە دەست پەڕڵەمان، ئەوەش دوای ئەوەی هەردوولا لەسەر میکانیزمێک ڕێککەوتن.
لە بارەی لیستی دەنگدەرانیشەوە، پشت بە داتا و ئامارەکانی وەزارەتی بازرگانی ئێراق ببەسرێت.
وابڕیارە هەفتەی داهاتوو، جارێکی تر هەردوو دەزگای هەڵبژاردنی پارتی و مەکتەبی هەڵبژاردنی یەکێتی کۆببنەوە و ڕێککەوتنی یەکلاکەرەوە لەو بارەوە بکەن. [1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 479 times
Write your comment about this item!