وشەکان و شتەکان
میشل فوکۆ
ئارام ئەمین شوانی
تابلۆی بەرگ: ئاکۆ کەمال
هەڵبەت قسەکردن لەسەر یەکێک لە گرنگترین کارەکانی فۆکۆ، کەمێک لە توانای هەژارێکی وەک من زیاترە و بۆ ئەوەی بمەوێ بەدڵی خۆم قسەی لەسەر بکەم، پێویستە جارێک و ڕەنگە چەند جارێکی تریش بیخوێنمەوە.
لە دونیادا، بەدەیان و سەدان کەس خەریکی لێکۆڵێنەوە و لێکدانەوەی کارەکانی فوکۆن، شیکردنەوەی کارەکانی پێویستی بە شارەزاییەکی زۆر هەیە لە فیکری فەیلەسوفەکانی پێش فوکۆ، هەروەها بەبێ شارەزابوونێکی باش لە مێژوودا ناکرێت قسەی لەسەر بکرێت.
فوکۆ بەسەری خۆی قسە دەکات و ئێمە بۆ ئەوەی لە فوکۆ تێبگەین، ئەبێ لەناو سەری ئەودا بین. کاتێک ڕستەیەک لە کانت، هیگڵ، مارکس، نیچە و سەدانی تر دەهێنێتەوە، پێویستە ئێمە شارەزای هەموو ئەوانە بین.
وشەکان وشتەکان، پەڕتووکێکە لەسەر وردەکارییەکانی ناو ژیان دەدەوێت، لە خودی ژیان و قۆناغەکانی پەرەسەندنی ژیان، لە دراو و لە وێنە و لە زمان دەودوێت، باسی وتار دەکات و مێژوو شرۆڤە دەکات. باس لە لێکچوون و ڕەوتی ژیان دەکات. باسی ئەو شتە وردانە ئەکات لە ژیاندا کە ڕۆژانە ئێمە بەری دەکەوێن و هیچ بیری لێناکەێنەوە. باس لە درووستبوونی وشە و پیت و ڕستە و زمان دەکات.
باس لەگەڵێک شتی تر.
ئەوەی لەم پەڕتووکەدا سەرنجڕاکێشە، وەرگێڕانە، لێتان ناشارمەوە کە دەستم دایە پەڕتووکەکە بە حەزەرەوە دەستم پێکرد، پێشتریش ترسێنرابووم. بەدرێژایی 830 لاپەڕە هیچ گرێیەک لە وەرگێڕانەکەیدا نییە. هەر ئەم وەرگێڕانە بێ گرێیە وای لێکردم پێشنیاری وەرگێڕانی کارەکانی تریش پێشکەش بە کاک ئارام بکەم. کاک ئارام دەست خۆش و بەهیوای بەردەوامی. [1]
#هەژار مەجید#
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 242 times
Write your comment about this item!