دوای بڕیاری ڕاگرتنی هەناردەی نەوتی هەرێم بە پشت بەستن بە بڕیاری دادگای ناوبژیوانی فەڕەنسا، #مەسرور بارزانی# سەرۆکی حکومەتی هەرێم پەیوەندییەکی تەلەفۆنی لەگەڵ محەمەد شەیاع سوودانی سەرۆک وەزیرانی ئێراق ئەنجامدا.
پەیوەندییە تەلەفۆنییەکەی نێوان سەرۆک وەزیرانی هەرێم و سەرۆک وەزیرانی ئێراق تایبەت بووە بە ڕاگرتنی هەناردەی نەوتی هەرێم.
لەو پەیوەندییە تەلەفۆنییەدا، مەسرور بارزانی داوای لە سوودانی کردووە ڕەزامەندی بدات لەسەر بەردەوامی هەناردەی نەوتی هەرێم تا ئەو کاتەی یاسای نەوت و گازی فیدڕاڵی لە پەڕڵەمانی ئێراق پەسەند دەکرێت. لای خۆیەوە سەرۆک وەزیرانی ئێراق هیچ بەڵێنێکی بە سەرۆک وەزیرانی هەرێم نەداوە.
لەو پەیوەندییە تەلەفۆنییەدا باس لە سەردانەکەی سبەینێی شاندی هەرێم کراوە بۆ #بەغدا# کە بتوانن لە ڕووی تەکنیکییەوە لەگەڵ تیمی وەزارەتی نەوتی ئێراق دەرچەیەک بدۆزنەوە بۆ بەردەوامیدان بە هەناردەی نەوتی هەرێم تا ئەو ماوەیەی کە حکومەتی هەرێم داوای دەکات. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 484 times
Write your comment about this item!