ناونیشانی بابەت:لە هەرێمى کوردستان گرنگى بە گەشتوگوزاری کشتوکاڵی دەدرێت
ئامادەکردنی: #هەڵمەت بتوێنی#
بۆ یەکەم جار و لە درێژەى جێبەجێکردنى بڕگەکانى پلانى گەشتیاریدا دەستەى گەشتوگوزارى هەرێمى #کوردستان# بە هاوکاریى ڕێکخراێکى بیانى، پلانى گەشتوگوزارى کشتوکاڵى دەخاتە بارى جێبەجێکردنەوە.
ئیبراهیم عەبدولمەجید، گوتەبێژى دەستەى گشتیى گەشتوگوزار، بە (باسنیوز) ى ڕاگەیاند: هەرێمی کوردستان بنەماکانی گەشتوگوزاری کشتوکاڵیی تێدایە و لە میانی پلانی هەشت ساڵەی دەستەی گەشتوگوزاریشدا پەرەپێدانی ئەو جۆرەی گەشتوگوزار یەکێکە لە ئامانجە ستراتیژییەکان و گرنگیی تەواوی پێ دراوە و بۆ ئەو مەبەستە لێژنەیەکی هاوبەش لەنێوان وەزارەتی کشتوکاڵ و دەستەی گەشتوگوزاردا پێک هێنراوە .
وتیشى: ناوەرۆکى بایەخدان بە گەشتیاریى کشتوکاڵى ئەوەیە کە سەرەتا چەند شوێن و جووتیارێکى دیار و نموونەیى دەستنیشان دەکرێن کە گەشتیارانى بیانى ڕوویان تێ بکەن و بە چۆنییەتیى بەرهەمهێنانى بەرهەمی کشتوکاڵی و ئاژەڵدارى و باخەوانى و ژیانیان ئاشنا بن و کاریان لەگەڵ بکەن و بەروبوومەکانیشیان بکڕنەوە.
باسى لەوەش کرد: ئێستا لەگەڵ ڕێکخراوێکى بیانى گفتوگۆ لەسەر ئەو بابەتە کراوە و کە لە وڵاتانى دیکەى جیهان ئەو پڕۆژەیەى جێبەجێ کردووە و سەرکەوتوو بووە، بۆ ئەو مەبەستە بڕیارە ئەو شوێن و جووتیارانەى دیارى دەکرێن، خولیان بۆ بکرێتەوە لەسەر ئەوەی کە مامەڵەیان چۆن بێت و خزمەتگوزاریى مانەوە و خواردن و پاکوخاوێنى جێبەجێ بکەن، دواى ئەوە بڕگەى پلانەکە دەکەوێتە بارى جێبەجێکردن و بە چەند قۆناغێکیش فراوانتر دەکرێت.[1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 500 times
Write your comment about this item!