=KTML_Bold=خەیاڵ=KTML_End=
لە خەیاڵمدا
خوایەکم هەیە
خواکەمم خستووەتە نێو قەفەسێک و
قەفەسەکەم خستووەتە نێو سینگم
سینگیشم لەژێر کراسەکەمدایە
قەفەسەکە هەڵدەگرم و
لەبەرانبەر خۆمی دادەنێم،
دوو هەنگاو دەکشێمەوە
لە چاوەکانی ڕادەمینێم
دەست بەرەو یەخەی کراسەکەم دەبەم و
قۆپچەکانی دەکەمەوە
لە چاوەکانیدا لاوازی دەبینم،
هەوەس و
ئاگریش
بەزەییم پیا دێتەوە
ماڵەکەی هەڵدەگرم و
لەسەر دیواری حەوشەی دادەنێم
تا هەوایەک لە ڕوخساری بدا
بۆ ناندینەکە دەڕۆم و
کەمێک ئاو و وشکەنان هەڵدەگرم
لە پێشی دادەنێم،
لە کەللەم دەدا و
دەرگای قەفەسەکە دەکەمەوە
دەمەوێت بەرەڵڵای بکەم
هەڵفڕێ
بەڵام
ئەو نافڕێت و
خۆی بە تەلەکانی قەفەسەکەوە دەنووسێنێت.
پێدەچێ
خوای من
گیرۆدەی ئافرەتێک بووبێت
کە خۆی دیلی خەیاڵەکانییەتیبۆیە فڕینی بیر چووەتەوە.[1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,201 times
Write your comment about this item!