#پارتی دیموکراتی کوردستان#، بڕیاری داوە پاسەوانی لق و ناوچە و بارەگاکانی لە سنووری #کەرکووک# و #گەرمیان# لە دوو فەوجدا کۆبکاتەوە و هەر فەوجێک تایبەت بێت بە دوو لقی حزبەکە.
فەوجێک لە پاسەوانی بارەگای هەردوو لقی کەرکووک و #چەمچەماڵ# و سەرجەم ناوچەکان و ڕێکخراوە حزبیەکان درووست دەکرێت و فەوجی دووەم بەهەمان شێوە بۆ لقی گەرمیان لە #کەلار# و لقی #خانەقین# درووست دەکرێت.
بڕیار دراوە بەرپرسی فەوجی یەکەم لە لقی 3ی کەرکووک کار بکات و جێگرەکەی لە لقی 19ی چەمچەماڵ بێت. بەرپرسی فەوجی دووەمیش لە لقی 22ی گەرمیان لە کەلار و جێگرەکەی لە لقی 15ی خانەقین دەبێت.
پارتی بەم هەنگاوە دەیەوێت ئەو هێزە سەربازییەی پاسەوانی بارەگاکانی دەکات ڕێک بخاتەوە و بتوانێت لە هەر حاڵەتێکی لەناکاو بەکاریان بهێنێت، چونکە پێشتر پاسەوانی بارەگاکانی تەنیا پەیوەست بوون بەبەرپرسی بارەگا و ئۆرگانەکان و بۆ لەمەودوا فەرمان لە بەرپرسی فەوج و جێگرەکەی وەردەگرن.
دوای ئەم هەنگاوە لە کەرکووک و گەرمیان، بەهەمان شێوە لە سنووری لقەکانی سلێمانی، فەوج لە پاسەوانی بارەگاکان درووست دەکرێت.
پاسەوانی بارەگاکانی پارتی لە پارێزگای سلێمانی و کەرکووک، لەسەر یەکەی پاسەوانی فەرماندەی پێشمەرگەی زێرەڤانی وەزارەتی ناوخۆن و دوای درووستکردنی فەوجەکان میلاکیان هەر لەسەر زێرەڤانی دەمێنێتەوە. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 487 times
Write your comment about this item!