گوندی زێوەی کۆنی بنار چیای #زۆزک# لە شارۆچکەی #ڕواندوز#
سەڕەڕای ئەوەی کە ئێستا کاول بوەو بەجێھێشتراوە، زێوەی کۆن جوان و شیرینی خۆی ھەر ماوە.
(بە منداڵی کە دەھاتمە مەقەڕی پێشمەرگە لای مام عزەت ی باوکم لە جنێراوە، زۆر جاران چاوم لەو گوندە دوورەی بەرانبەرمان دەکرد. داری کەم بوو بەڵام ھەر جوان بوو.)
ئێرە گوندی چەندین کەسایەتی پێشمەرگە و ئایینی مەزن بوو: وەکوو مەلا محەمەدی زێوەی باوکی دکتۆر مەلا مادح کە لە ماویلیان مەلا بوو و حەسەن ئاغا و موسلیح زێوەیی و ئەحمەدە زەرد و مامۆستایانی ئایینی مەلا زوبێر و مەلا مادح.
بەر لە 60 ساڵ لێرەبوو لە کاتی ڕاودا ، کەسێکی مەرد بەناوی ئەحمەدە زەرد لە چیای زۆزک پلنگێک کە برینداریان کردبوو ھێرشی کرد وە ڕەوانشاد ئەحمەدە زەرد بە خەنجەر پلنگەکەشی کوشت و خۆشی زۆر بریندار بوە و چەند ھەفتە لەسەر جێگا بوو.
لە پشت زێوە ئەشکەوتێک ھەیە بەناوی ئەشکەوتی کافران کە دەنگۆی ھەبوونی زێڕ و گۆزە و شتی گرانبەھای لێ ھەیە. تخوبێ ئەوێ مەکەن: پاوانی جوامێرێکیە.
[1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 198 times
Write your comment about this item!