سەرچاوەیەک لە ئاساییشی گشتی هەرێم، لە لێدوانێکی تایبەتدا ڕایگەیاند ”ئەو منداڵەی ئەمشەو #24-04-2023# گیانی لە دەستدا، لە ئەنجامی تەقەکردنی بازرگانانی ماددەی هۆشبەرەوە بووە نەک تەقەی کارمەندانی ئاساییش”.
ئەمشەو لە ئەنجامی ڕووبەڕوو بوونەوەی نێوان هێزەکانی ئاساییش و بازرگانێکی ماددەی هۆشبەر منداڵێکی هەشت ساڵان گیانی لە دەستدا.
بەپێی وتەی ئەو سەرچاوەیەی قسەی کردووە دەڵێت سەرجەم کامێراکانی چاودێری ئەو ناوچەیەیان سەیرکردووەتەوە و دەرکەوتووە ئەو منداڵە لە پشت هێزەکانی ئاساییش وەستاوە.
ئەو سەرچاوەیە وتیشی ”لە هەوڵی ڕووبەڕووبوونەوەمان، لەگەڵ بازرگانێکی ماددەی هۆشبەر، ئەو منداڵە تەمەن هەشت ساڵانە کە لە پشت هێزەکانی ئاساییش بووە، گولەیەکی پێ کەوتووە و شەهید بووە”.
ئەو سەرچاوەیە زانیاری زیاتری ئاشکراکرد و وتی (پێشتر 4 کەسمان لە باندێکی بازرگانیکردن بە ماددەی هۆشبەر دەستگیرکردووە، ئەمڕۆش #25-04-2023# بە مەبەستی دەستگیرکردنی بازرگانێکی تر لەو باندە ئەو ڕووبەڕووبوونەوەیە ڕوویداوە). [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 403 times
Write your comment about this item!