لەدوای بڵاو بوونەوەی نەخۆشی هەوکردنی پەردەی مێشک لەنێو منداڵاندا لە سنووری پارێزگای #هەڵەبجە# و #سلێمانی#، هەروەها تووشبوونی ڕێژەیەکی زۆر لە منداڵان لە دوای فشارەکانی تەندرووستی هەڵەبجە وەزارەتی تەندرووستی هێنایە سەرخەت و بڕیاری درووستکردنی لیژنەیەکی دا. لە چەند ڕۆژی ڕابردوو حاڵەتەکانی تووشبوون بە نەخۆشی هەوکردنی پەردەی مێشک بە شێوەیەکی بەرفراوان لە هەریەک لە پارێزگاکانی هەڵەبجە و سلێمانی لەنێو منداڵاندا بڵاوبووەوە، بۆیە هەر زوو بەڕێوەبەرایەتیی تەندرووستیی هەڵەبجە هۆشداری لەسەردۆخەکەدا و بەپەلە داوای لەوەزارەتی تەندرووستی و حکومەتی هەرێمی کوردستان کرد، بەدەم داواکارییەکانیانەوە بچن و چارەسەری خیرا بگیرێتەبەر. هەروەها لە چەند ڕۆژی ڕابردوودا، بەڕێوەبەرایەتیی تەندرووستی هەڵەبجە داوای لە تیمێکی پزیشکی ئێرانی کرد سەردانی پارێزگاکە بکات بە مەبەستی پێدانی هاوکاریکردن و چارەسەرکردنی منداڵانی تووشبوو بە نەخۆشی هەوکردنی پەردەی مێشک لەنێو منداڵاندا و تیمەکە سەردانی شارەکەیان کرد. دوێنی دووشەممە #24-04-2023#، لەدوای فشار و داواکارییەکانی تەندرووستیی هەڵەبجە و لەدوای تووشبوونی ژمارەیەکی زۆر لە منداڵان و بڵاوبوونەوەی نەخۆشییەکە بەشێوەیەکی بەربڵاو، وەزارەتی تەندرووستی لە فەرمانێکی وەزاریدا بڕیار لەسەر درووستکردنی لیژنەیەکی حەوت کەسی دا، بە مەبەستی بەدواداچوون لەسەر دۆخی تەندرووستی منداڵان و مەترسییەکانی نەخۆشییەکە. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 454 times
Write your comment about this item!