بنەچەو بەگزاڎەکا هۆرامانی
بەشۊ ۋیس و چوارەمۍ
حەمەساڵح سان:
دمای کوشیای تاتەیش (ڕوسەم سان) ی، جە دەگاو هاواری، حەمەساڵح بەگ چەنی (مەڵڵا عەزیزی قازی) دەمودەس لوێ پەی شارو (سنە) ی، چاگە چەمشا کۆت بە (ئەمیر نیزام گەڕووسی) حاکمو کرماشان و سنەی، دمای چەمپەنەکۆتەکەی فەرمانو سانیی (هۆرامانو لهونی) پەی حەمەساڵح بەگی نویسیا، هامکات (محەمەد بەگ) ی مامۊش پېسە جاگیریش نویسیا، مودەو چن مانگێ پېوەرە حوکمڕانیشان کەردەن، دماتەر بە فیتو چن کەسێ خرابەکارا و دڵپیسە نزیکەکاش، محەمەد بەگش کوشتەنو لوان پەی دلۍ بەگزاڎەکا (تەخت و ڕەزاو) ی، ئاڎییچۍ لەشکرێشا چەنی کیاستەن و ئامانۆ پەی (نۆسوڎ) ۍ، چاگە یەرۍ ساڵۍ حوکمڕانیش کەردەن، دماتەر بە دەسو (مەحمووڎ بەگو عوسمان بەگو جافر بەگو مامۊیش) سەرو سفرەو مېمانداریۆ کوشیان، ئانەیچ جیای هەقەو (محەمەد بەگ) ی، دلۍ تەعزیە (پەرسە) کېشەنە، ژەنی پەی لاونایۆش ئی دېڕە شېعرېشا واتېنە:
مامۊ مەحمووڎیم نمیەنش باڵم
مامۊ جافریم بڕیەنش تاڵم.[1]
This item has been written in (هەورامی - Kurdish Hawrami) language, click on icon
![](https://www.kurdipedia.org/images/flags/ku.png)
to open the item in the original language!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
This item has been viewed 743 times
Write your comment about this item!