ناونیشانی بابەت: دارەبزمارە، دارێک بە تەمەنی زیاتر لە 150 ساڵ
ئامادەکردنی: #سەوسەن سنەیی#
دارەبزمارە، ناوی یەکێک لە گوندەکانی باشووری #کوردستان#ە کە دەکەوێتە سنووری شارۆچکەی پیرمام و لە دووری 33 کیلۆمەتر لە باکووری ھەولێرەوە دوورە.
ناوی ئەم گوندە بەناوی دارێکەوە ناونراوە ، کە تەمەنی زیاتر لە 150 ساڵ دەبێت. خەڵکی ناوچەکە بەگشتی و گوندەکە بەتایبەتی وەک نەریتێک و باوەڕێکی کۆن ھەر کاتێک ددانیان ئازاری ھەبووبێت، بزمارێکیان بەو دارەدا داکوتیووە، تا ئازارەکەیان نەمێنێت و مراز و نیازەکەشیان بێتەدی.
پیاوە بەتەمەنەکانی ئەم گوندە دەگێڕنەوە کە ئەم دارە کەوتۆتە ناو گۆڕستانێکەوە کە مێژووی گۆرستانەکە بۆ پێش ئیسلام دەگەڕێتەوە.
دارەبزمارە وەک فریادڕەسێک و شوێنگەی ھاتنەدی ئارەزوو و مراز پەڕیوەتەوە ناو گۆرانی و ھەڵبەستی فۆلکلۆری کوردییەوە و لە گۆرانییەکاندا باسکراوە .[1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 511 times
Write your comment about this item!