بەرپرسی یاسایی بەشی هەڵبژاردنی #پارتی دیموکراتی کوردستان# ڕایگەیاند، لەم ڕۆژانەدا لەگەڵ دەزگای هەڵبژاردنی یەکێتی کۆدەبنەوە.
هاوار محەمەد، بەرپرسی بەشی یاسایی لە بەشی هەڵبژاردنی پارتی دیموکراتی کوردستان بە میدیای پارتی وت: لەم ڕۆژانە لەگەڵ دەزگای هەڵبژاردنی یەکێتی کۆدەبێنەوە و لە کۆبوونەوەکەدا سەرۆکی فراکسیۆنی هەردوولا لە پەڕڵەمانی کوردستان ئامادە دەبن.
هەفتەی ڕابردوو، سەرۆکوەزیران و جێگری سەرۆکوەزیران کۆبوونەوە. دواتر سەرۆک بارزانی دەستپێشخەرییەکی بۆ لایەنە سیاسییەکان کرد، لەوبارەیەوە، هاوار محەمەد دەڵێت: دەستپێشخەرییەکەی سەرۆک بارزانی کۆبوونەوەی مەکتەبی سیاسیی پارتی و یەکێتی بەدواداهات، ئێستا ئێمە لە بەشی هەڵبژاردنی هەردوولا دەستکراوەتر دەبین و ڕێککەوتنمان ئاسانتر دەبێت.
بەرپرسی بەشی یاسایی لە بەشی هەڵبژاردنی پارتی ئاماژەی بەوەش کرد: گفتوگۆکانمان لەبارەی هەمواری یاسای هەڵبژاردن و کاراکردنەوەی کۆمیسیۆنی باڵای سەربەخۆی هەڵبژاردن و ڕاپرسی هەرێمی کوردستان دەبێت. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 405 times
Write your comment about this item!