توێژینەوەکە لە گۆڤاری کۆمەڵەی دڵ لە ئەمریکا بڵاوکراوەتەوە و 12 هەزار کەس بەشداریان تێدا کردووە، دەرکەوتووە، نیو کاژێر درەنگ خەوتن 30٪ مەترسیی تووشبوون بە بەرزە پەستانی خوێن زیاد دەکات.
دکتۆر لویگی فیرینی، پسپۆڕی مێشک و دەمار لە ئیتاڵیا و سەرۆکی کۆلێژی پزیشکیی زانکۆی سان ڕافایل ڕایدەگەیێنێت، لە دوو کاژێری سەرەتای خەوتندا لێدانی دڵ کەمدەبێتەوە، چونکە جەستە دەردانی هۆرمۆنی گوشاری دەروونی کەمدەکاتەوە، بەمەش کاریگەریی لەسەر پەستانی خوێن و لێدانی دڵ دەبێت.
پسپۆڕەکەی مێشک و دەمار ڕوونیدەکاتەوە، ئەو کەسانەی تاوەکوو درەنگانی شەو دەمێننەوە و کاتی خەویان ناڕێکە مەترسیی تووشبوونیان بە جەڵتەی مێشک و نەخۆشییەکانی دڵ زیاترە، چونکە جەستە کەمتر هۆرمۆنەکانی ڕێکخستنی لێدانی دڵ و گوشاری دەروونی دەردەدات.
دکتۆر ڕافایل ئاشکرای دەکات، ماوەی خەوی نموونەیی هەر کەسێک بەگوێرەی کاتژمێری بایۆلۆژی جەستەی دەگۆڕێت، بە جۆرێک لە هەندێک کەسدا تەنیا چوار بۆ پێنج کاژێر بەسە بۆ خەوێکی تەواو، لەکاتێکدا ڕێکخراوی تەندرووستیی جیهانی دەڵێت: کەسێکی پێگەیشتوو پێویستە شەوانە حەوت بۆ هەشت کاژێر بخەوێت.
بەگوێرەی دامەزراوەی خەو لە ئەمریکا، پێش خەوتن پێویستە 'نەخواردنی کافایین، دوورکەوتنەوە لە خۆراکە سوێر و تیژەکان، بەکارنەهێنانی ئامێرە ئەلیکترۆنییەکان و خۆشۆردن بە ئاوی شلەتێن' بۆ خەوێکی ئارام و کوالێتیی باش جێبەجێبکرێن. [1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 371 times
Write your comment about this item!