حەسەن جبوری سەرۆکی لیستی ڕەوتی حیکمە لە پەڕڵەمانی ئێراق ڕایگەیاند، دوای پەسەندکردنی پڕۆژە یاسای بودجەی گشتی ئێراق، محەمەد شەیاع سوودانی سەرۆک وەزیران دەست بە گۆڕانکارییە وەزارییەکان دەکات.
حەسەن جبوری ڕاشیگەیاند، محەمەد شەیاع سوودانی دەسەڵاتی لە سەرکردەکانی چوارچێوەی هەماهەنگی وەرگرتووە، بۆ گۆڕینی هەر وەزیرێک، کە لە کارەکانی کەمتەرخەم بووبێت لە ماوەی ڕابردوو.
لێدوانەکانی ئەلجبوری دەرخەری ئەوەیە، کە بابەتی گۆڕانکاری لە کابینە وەزارییەکەی محەمەد شەیاع سوودانی جددییە و سەرۆک وەزیران دەست بۆ ئەو کارتە دەبات، کە بەشێک لە سەرکردەکانی چوارچێوەی هەماهەنگی دژی ئەو پرسەن.
ئەلجبوری باسی لەوەش کردووە، هەڵسەنگاندنی کاری وەزیرەکان لە حکومەتی محەمەد شەیاع سوودانی هەڵسەنگاندنێکی پیشەیی و دوور لە هەر پاڵنەرێکی سیاسی دەبێت و هەر بڕیارێکیش لەو بارەوە بدرێت فراکسیۆنەکانی پەڕڵەمان پێیەوە پابەند دەبن. [1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 304 times
Write your comment about this item!