لەپێناو کەمکردنەوەی مەترسییەکانی سەگی کوچە و کۆڵانەکانی #هەولێر#، شەڵتەرێک بۆ کۆکردنەوەی سەگە بێلانەکان درووست دەکرێت و لەلایەن بەڕێوەبەرایەتیی ڤێتەرنەریی هەولێرەوە خزمەتگوزارییان بۆ دابین دەکرێت.
ڕەوەز سدیق، سەرپەرشتیاری درووستکردنی شەڵتەرى سەگە بێلانەکان، بۆ فەرمانگەی میدیا و زانیاری قسەی کردووە و دەڵێت: ئامانج لە درووستکردنی ئەم شەڵتەرە، کۆکردنەوەى سەگە بێلانەکانی شەقامەکانی شارى هەولێرە.
گوژمەی درووستکردنی شەڵتەرەکە، 455 ملیۆن دینارە و ڕووبەرەکەشی 49 هەزار مەتر دووجایە، کە دەکاتە 20 دۆنم زەوی و لەلایەن پارێزگاى هەولێرەوە جێبەجێ دەکرێت.
لەبارەی گرنگیی پڕۆژەکەوە، سەرپەرشتیاری درووستکردنی شەڵتەرى سەگی بێلانە، بە فەرمانگەی میدیا و زانیاریی گوت: مەترسیی گازگرتن و پەلاماردان لەسەر هاووڵاتییان کەم دەکاتەوە و ڕێگە لە دووبارەبوونەوەی ڕووداوەکانی هێرشی سەگ بۆ سەر هاووڵاتییان دەگرێت.
خزمەتگوزارییەکانی ئەم شەڵتەرە لەلایەن بەڕێوەبەرایەتیی ڤێتەرنەریی هەولێرەوە بۆ سەگە بێلانەکان دابین دەکرێت. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 307 times
Write your comment about this item!