سەرۆکایەتی کۆمار و تیمێکی یاسایی یەکێتی لە بەغدا سەرقاڵی داڕشتنی پڕۆژە یاسایەکن بۆ هەڵوەشاندنەوەی سەرجەم ئەو بڕیارانەی ئەنجوومەنی سەرکردایەتی شۆڕشی سەردەمی بەعس کە تایبەت بووە بە هەموو بە زەوی و گۆڕانکاری لە خاوەندارێتی زەوییەکان و گرێبەستی کشتوکاڵی زەویەکان.
ئامانجی یەکێتی لە پڕۆژە یاساکە هەڵوەشاندنەوەی هەموو بڕیارەکانی ئەنجوومەنی سەرکردایەتی شۆڕشی سەردەمی بەعسە. کە لە ساڵی 1968 تا 2003، ژمارەیەکی زۆر بڕیاری دەربارەی گۆڕینی ڕەگەزی زەوی و خاوەندارێتی و هەڵوەشاندنەوەی گرێبەستی زەوی داوە و ئێستا گرفتی گەورەی یاسایی و کۆمەڵایەتی و سیاسی درووست کردووە بەتایبەت بۆ جوتیارانی سنووری پارێزگای کەرکووک.
پڕۆژەکەی یەکێتی لە ڕێگای سەرۆک کۆمارەوە پێشکەشی پەڕڵەمان دەکرێت. یەکێتی دەیەوێت لە ڕێگای ئەو پڕۆژەیەوە کۆتای بەکێشەی داگیرکردنی زەوی جوتیارانی کورد و تورکمان بهێنێت لە پارێزگای کەرکووک و ناوچە دابڕاوەکان.
لە بەدواداچوونی تیمێکی یەکێتی بۆ کێشەی زەوی جوتیاران لە کەرکووک دەرکەوتووە هەر ناوچەیەک گرفتەکەی لە ڕووی یاساییەوە لە گرفتی ناوچەیەکی تر جیاوازە و سەدان بڕیاری جیاواز دراوە و ناتوانرێت سەرجەم بڕیارەکان ڕابگیرێت تەنیا دەکرێ لە ڕێگای پڕۆژە یاساکەوە هەموو بڕیارەکان هەڵبوەشێنرێتەوە. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 565 times
Write your comment about this item!