ئەمڕۆ پێنجشەممە ڕێکەوتی #08-06-2023# مەکتەبی سیاسی پارتی بە سەرپەرشتی سەرۆک بارزانی لە پیرمام کۆدەبێتەوە.
لە کۆبوونەوەی ئەمڕۆی مەکتەبی سیاسی #پارتی دیموکراتی کوردستان#، دۆخی سیاسی ناوخۆی هەرێمی کوردستان و ئێراق تاوتوێ دەکرێت.
کۆبوونەوەکەی مەکتەبی سیاسی پارتی لە کاتێکدایە کە بڕیار وایە ئەمڕۆ 08-06-2023 پەڕڵەمانی ئێراق بۆ دەنگدان لەسەر پڕۆژە یاسای بوودجە کۆببێتەوە.
هاوپەیمانی بەڕێوەبردنی دەوڵەت کە کورد بەشێکی گرنگی ئەو هاوپەیمانێتییەیە لە پێکهێنانی حکومەتی نوێی ئێراقدا، دوێنێ ڕێکەوتی #07-06-2023# بڕیاریانداوە بەشداری لە دانیشتنی پەڕڵەماندا بکەن و پڕۆژەیاسای بودجە پەسەند بکەن.
لەلایەکی دیکەوە هاوپەیمانی چوارچێوەی هەماهەنگی شەوی ڕابردوو لە کۆبوونەوەیەکیاندا بڕیاریانداوە بەشداری لە دانیشتنی پەڕڵەماندا بکەن و دەنگ بە 67 ماددەکەی پڕۆژە یاسای بودجەی فیدراڵ بدەن.
پێشتریش پارتی دیموکراتی کوردستان ڕایگەیاند بوو، ئەگەر ئەو گۆڕانکارییانەی لە ماددەکانی 13 و 14ی پڕۆژە یاسای بودجە کە لەلایەن لیژنەی دارایی پەڕڵەمانی ئێراقەوە ئەنجامدرابوو، وەک خۆی بمێنێتەوە ئەوا دەنگ بە پڕۆژە یاسای بودجە نادەن. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 545 times
Write your comment about this item!