خیانەتو ئەرمەنیەکا:
سەروەختو شوڕشو تورکیای، هەزاران ئەرمەڼیۍ و کوردۍ کە فرېشان ڕۊشنویرۍ ئەرمەڼیۍ بېنۍ، جە کۆنفرانسێنە دلۍ کەنیسەو خالیدی ئۆغڵی گلېرۍ بېیێ، تەمامو ئەنداما بنەماڵەو ئېمەیچ (بەدرخانیەکۍ) چاگە ئاماڎۍ بېنۍ، هەر دوە لا قەسەم وەران کە پېسە برای و پېسە هامسای ئاشتیانە پېوەرە بژیوان، گۊش نەڎان وەرنیار و فڕ و فېڵەکا دەساڵاتدارا تورکی و پېوەرە پەی یاوای بە مافەکاشا کۊشش کەران.
سەرەڕاو ئا گرد پەیمانە خاسا، کومیتەکۍ ئەرمەڼیەکا بە قسە دروەکا تورکە گەنجەکا خەڵەتیێ و خیانەتشا کەردیمۍ وەنە، دەسشا نېیا دلۍ دەسو تورکەکا، خېزیاکەو بەتلیسینە ئەرمەنەکۍ پەناشا پەی والی بەتلیسی بەردە، تاکو پەی دژمەنی کەردەی ئېمە چەکدارېشا کەرۊن، (700) چەکېشا وەرگېرتۍ و چەنی تورکەکا پېوەرە شاڵاوەشا ئاوەردە سەرو ئېمە (کوردەکا) ، پی تەرزە تاکو کۆتەی عەبدولمەجیدی و ئاشکەراکەردەی تورکیای دەستووری (یاسای بنەڕەتی) ، ئام و شۊ ئەنداما بنەیانەو ئېمە پەی کوردەسانی قەدەغە کریا.[1]
This item has been written in (هەورامی) language, click on icon
![](https://www.kurdipedia.org/images/flags/ku.png)
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
This item has been viewed 310 times
Write your comment about this item!