ناونیشانی بابەت: دهۆک.. بە گوژمەی 731 هەزار دۆلار شوێنەواری چارستێن نۆژەن دەکرێتەوە
$هەلی 10 هەزار ڕۆژی کاری بۆ کرێکاران دەڕەخسێنێت$
بەڕێوەبەری شوێنەوار و کەلەپووری پارێزگای دهۆک ڕایگەیاند، دەست کراوە بە نۆژەنکردنەوەی شوێنی شوێنەواریی چارستێن لە پارێزگای دهۆک کە هەلی 10 هەزار ڕۆژی کاری بۆ کرێکاران دەڕەخسێنێت.
د. بێکەس بریفکانی، بەڕێوەبەری شوێنەوار و کەلەپووری پارێزگای #دهۆک#، بە (باسنیوز) ی ڕاگەیاند: ''لەلایەن یەکێتیی ئەورووپاوە گوژمەی 731 هەزار دۆلار تەرخان کراوە و بودجەی 20٪ی کەرەستەی کار لەلایەن پارێزگای دهۆکەوە تەرخان کراوە بۆ نۆژەنکردنەوەی شوێنی شوێنەواریی چارستێن و پڕۆژەکە بە پشتیووانیی ڕێکخراوی یۆنسکۆ و ڕێکخراوی کاری نێودەوڵەتی و یەکێتیی ئەورووپا جێبەجێ دەکرێت و هەلی 10 هەزار ڕۆژی کاری بۆ کرێکارانی دهۆک دەڕەخسێنێت.
وتیشی: مێژووی ئەو شوێنە شوێنەوارییە بۆ هەزارەی یەکەمی پێش زایین دەگەڕێتەوە و شوێنێکی ئایینی #زەردەشتی#یە کە پێک دێت لە چەند پێگەیەکی شوێنەواریی گرنگ، وەکوو #ئەشکەوتی چارستێن# و ئاتەشگەی کراوە و گۆلاوی گرێدراو بە ئایینەوە و شوێنی درووستکردنی شەرابی پیرۆز و کێل و گۆڕی کراوە.[1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 341 times
Write your comment about this item!