جۆرە گیایەکی سرووشتی لە زۆر ناوچەی شاخاویی کوردستان هەیە کە بنەکەی هاوشێوەی پەتاتەیە و نرخی گرانە و هەناردەی دەرەوەی وڵات دەکرێت.
ئەو گیایە لە ناوچە جیاجیاکانی کوردستان ناوی جۆراجۆری هەیە، لەوانە ''گیاڵۆکە''، ''بنکێ گیای''، ''پتاتووشک''، ''شەپرزۆک''، ''کرتوب''، گونەڕێوی و ''گیا سالمە / سارمە (salep) ''.
ئەو جۆرە گیایە خۆڕسکە و لە وەرزی بەهاردا لە ناوچە شاخاوییەکان دەڕوێت، گیایەکی سەلکدارە و بنەکەی هاوشێوەی پەتاتەیە، بەڵام کەمێک بچووکترە، گەلێک جۆری هەیە، سەلکەکەی دەهاڕێت و ماددەیەکی نیشاستەی لێ دەردەهێنرێت، وەکوو شیر دەخورێتەوە. هەروەها هاڕاوی ئەو گیایە بۆ درووستکردنی دەرمان و بەستەنی (دۆندرمە) بەکار دەهێنرێت.
نرخی یەک کیلۆی ئەو گیایە لە بازاڕدا زیاتر لە 120 هەزار دینارە، خواستی زۆریشی لەسەرە و زیاتر هەناردەی دەرەوەی وڵات دەکرێت. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 739 times
Write your comment about this item!