خێر و شەڕ ژ دەرگەهێ خودێ دئێن
کنیات بۆش بوو لەوما نەخۆش بوو، ژمارا مرۆڤان 8 ملیار دەربازکرن و قەدر و ڕێز و ڤیان و وژدان و باوەری بوونە بەرژەوەندی،لەوما باوەریا پتریا خەلکی یا بوویە ڕوومەت و ب شێوەیەکی مەزناتیێ و ناڤودەنگیێ و هزرا وان ڤالابوویە ژ هەبوونا هەقیێ و دادپەروەریا خودایێ مەزن.
بەلێ دەمێ کەسەک تەنگاڤ بت دێ خۆ ل خودێ گرت و هیڤی و داخوازیێن خۆ ژ خودێ دکەت و دێ بتە تۆبەدار و هیڤی و ئۆمێدێن وی ل بەر رەحما خودێیە و خودایێ مەزن دلۆڤانیا خۆ دگەل دکەت و ئەو کەسە بخۆ هێزەکا هزری چێدکەت و باوەریێ د دەتە خۆ و دگەهتە خێرێ و فرەهیێ،بەلێ دەمێ ئەو کەسە ژ تەنگاڤیێ قورتال دبت و ل سەر ڕێیا راست یا خودێ نەمینت ئەو کەسە دێ کەفتە ڕێزا بێ باوەریێ و بێ مروەتیێ و بێ وژدانیێ و دێ ڕۆژەکێ گەرا وی ئێت و بەهرا وی شڕا و هەزار ئێک ڕەنگێت شەڕا وێت هەین،دەمێ باران دبارت بۆ هندەکا خێر بۆ چاندن و دەخل و دانی ژبەرکو دبتە خێر و بەرەکەت و گەلەک وەلات پێ ئاڤا دبن،هەروەسا دەمێ باران دبارت ل هندەک جییا یان ل باژێرێن کند و بلندی لێ هەین ئاڤ لێ رادبت و دبتە شەڕ و بەڵا بۆ وان ،ژبەرکو خانی د هەرفن و هندەک جاران تەزر دێ بارت و زیان و زەرەرێن مەزن ب زەڤیان و چاندنیێ و جۆتیاران دکەڤت، لەوما ئەڤە هەموو هەر ئەو بارانە یا کو بۆ هندەکا خێرە و بۆ هندەکا شەڕە.
ژ ئەدەبێ دینێ ئێزدیان د دەتە دیارکرن:
رۆژەکێ دێ بتە هزێز و کازی
زۆر دێ ل وێدەرێ مینن رووس و تازی
ئەوێ رۆژێ پەدشا دێ هەقیێ و نەهەقیێ ژ مە خوازی.
هەر وەکا ڤان ئەرد هژێن چێدبن گەلەک ژی ژ ئالیێ کەس و کاران ڤە رووس و تازی بوون،لەوما گەلەک ل کار و کریارێن خۆ د پۆشمانن و هەقیا خودێ هاتە بەر چاڤان،ئەفەرم بۆ وان یێ خودێ ژ بیرنەکری و خودێ مەفەرە و رەحما وی گەلەکە و هەر گاڤا خێر و شەڕ پێکڤە دارژیان دێ تەڕ و حشک پێڤە شەوەتن.[1]
Kurdipedia is not responsible for the content of this item. We recorded it for archival purposes.
This item has been written in (کرمانجی) language, click on icon
to open the item in the original language!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 436 times
Write your comment about this item!