ئەمڕۆ یەکشەممە ڕێکەوتی #02-07-2023# بەڕێز #نێچیرڤان بارزانى#، سەرۆکى هەرێمى کوردستان، پێشوازى لە بەڕێز ئۆلیڤیێ دیکۆتینى، کونسولى گشتیى فەرەنسا لە هەرێمى کوردستان کرد کە بۆ ماڵئاوایى و بەبۆنەى کۆتاییهاتنى ئەرکییەوه، سەردانی بەڕێز سەرۆکی هەرێمی کردبوو.
لە دیدارێکدا نێچیرڤان بارزانى سوپاس و پێزانینى بۆ ئەرک و هەوڵەکانى بەڕێز دیکۆتینى بۆ برەودان بە پەیوەندییەکانى هەرێمى کوردستان و فەرەنسا دووپات کردەوە و هیواى سەرکەوتنى لە پۆست و ئەرکى تازەیدا بۆ خواست.
لاى خۆیەوە بەڕێز کونسولى گشتیى فەرەنسا سوپاس و پێزانینى پێشکەش بە سەرۆک نێچیرڤان بارزانى و لایەنە پەیوەندیدارەکانى هەرێمى کوردستان کرد بۆ هاوکارى و پشتگیرییان لە ئەرکەکانى و هیواى خواست بە هەمان شێوە لەگەڵ جێگرەوەکەى بەردەوام بن، هەروەها بە پێزانینەوە باسى لە ڕۆڵى بەڕێز سەرۆکى هەرێمى کوردستان کرد لە بەرەوپێشبردنى پەیوەندییەکانى هەرێمى کوردستان و فەرەنسا.
برەودان بە پەیوەندییەکانى فەرەنسا لەگەڵ هەرێمى کوردستان و چەند پرسێکى جێى بایەخى هاوبەش، تەوەرێکى دیکەى دیدارەکە بوو. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 390 times
Write your comment about this item!