بە مەبەستی ماڵاوایی کردن و کۆتاییهاتنی ئەرکەکەی، ئۆلیڤیێ دیکۆتینی کونسوڵی گشتی فەڕەنسا، سەردانی #قوباد تاڵەبانی#، جێگری سەرۆک وەزیرانی کرد و لە کۆبوونەوەی نێوانیاندا قوباد تاڵەبانی هەوڵەکانی کونسوڵی فەڕەنسای بەرزنرخاند لە بەهێزتر کردنی پەیوەندییەکانی نێوان فەڕەنسا و هەرێمی کوردستان.
لە کۆبوونەوەکەدا کە ئەمڕۆ ڕێکەوتی #05-07-2023# لە #هەولێر# بەڕێوەچوو، بە بۆنەی ماڵئاوایى و کۆتاییهاتنى ئەرکی کونسوڵی گشتیی فەڕەنسا لە هەرێم، قوباد تاڵەبانی ستایشی ئۆلیڤیێ دیکۆتینى کرد لە پای پەیوەندییە کۆمەڵایەتییەکانی لە هەموو شارەکانی هەرێم و لە پەرەپێدانی زیاتری پەیوەندیی دێرینی کورد و فەڕەنسا و هیوای سەرکەوتنی بۆ خواست لە ئەرکی داهاتوویدا.
کونسوڵی فەڕەنسا خۆشحاڵی خۆی دەربڕی کە لە هەرێمی کوردستان ئەو ئەرکەی پێ سپێردرابوو و پابەندی وڵاتەکەشی لە پشتیووانیکردنی هەرێمی کوردستان دووپات کردەوە و ڕۆڵی جێگری سەرۆک وەزیرانیشی بەرز نرخاند لە ئەنجامدانی چاکسازی لە سێکتەرە جیاجیاکاندا بە ئاڕاستەی باشترکردنی پڕۆسەی حوکمڕانی لە کوردستان.
دواتر تیشک خرایە سەر دواپێشهات و گۆڕانکارییەکانی هەرێمی کوردستان و لە کۆتایی کۆبوونەوەکەشدا قوباد تاڵەبانی پەڕتووکێکی لەبارەی مێژووی کوردستانەوە وەک دیاری ماڵاوایی پێشکەشی کونسوڵی گشتیی فەڕەنسا کرد. [1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 309 times
Write your comment about this item!